Мұхтарова Г.Р.

«Орталық мемлекеттік кино-фотоқұжаттар мен дыбыс жазбалары архиві» РММ директоры

Мұхтарова Гүлмира Райылқызы

1962 жылы 26 қазанда Жамбыл облысында дүниеге келген. 1980 жылы орта мектіпті бітірісімен С.М.Киров атындағы Қазақ ұлттық университетiн, тарих мамандығы бойынша бiтiрген. 1986 жылдан 2002 жылға дейiн Қазақстан Республикасы Ұлттық Ғылым академиясында  кiшi ғылыми қызметкерден бастап аға ғылыми қызметкерге, кейiн Қоғамдық және гуманитарлық ғылымдар бөлiмiнде ғалым-хатшы сияқты жауапты қызметтер атқарды. 2002 жылы Қазақ Республикасы Орталық Мемлекеттік музейінде аға ғылыми қызметкер және «Қазақстан тарихы» бөлімінің меңгерушісі, ал 2004-2010 жылдар аралығында директордың орынбасары қызметін атқарды. 2010-2019 жылдар аралығында  «Есік» Мемлекеттік тарихи-мәдени қорық-мұражайының директоры. 2019 жылдан бастап бүгінгі күнге дейін «Орталық мемлекеттік кино-фотоқұжаттар мен дыбыс жазбалары архиві» РММ-ің директоры қызметін атқарып жүр. Тарих ғылымдарының кандидаты, 80-нен астам тарих, этнография, мәдениет салаларына арналған әртүрлi еңбектердiң авторы. Қазақстан Республикасы «Дүниежүзілік мұра» ұлттық комитетінің (ҚР Ішкі істер министрлігі) сараптау комиссиясының мүшесі, «Жібек жолы» халықаралық мәдени форумы сараптау комиссиясының бас сарапшысы, Алматы облысы Еңбекшіқазақ ауданы мәслихатының депутаты.