- Блогтар
- Аимбетов А.А.
Аимбетов А.А.
«Қазақстан Ғарыш Сапары» ҰК» АҚ Басқарма төрағасы
Аимбетов А.А.
«Қазақстан Ғарыш Сапары» ҰК» АҚ Басқарма төрағасы
Аимбетов Айдын Ақанұлы
1972 жылы туған. Еңбек өтілі 29 жыл. 1993 жылы Армавир жоғары әскери авиация училищесін, 2006 жылы І.Жансүгіров атындағы Талдықорған университетін бітірген, 2018 жылы – Д.Қонаев атындағы Еуразиялық заң академиясы бітірген.
1993 жылдың мамыр айынан бастап Қазақстан Республикасының Әскери-әуе күштері қатарында қызметке кірді, ұшақтың 4 түрін меңгерді (Л-39, Миг-23, МиГ-23МЛД, Миг-27, Су-27), 470 сағаттан астам ұшу уақытын өткізді. 2003-2009 жылдары – Ғарышкерлер даярлау Ю.А. Гагарин атындағы «Звёздный городок» орталығында жалпы ғарыштық дайындық өтті.
2009 жылдан бастап Қазақстан Республикасының мемлекеттік сыңайлы және мемлекеттік секторларында басшылық қызметтерді атқарды:
- Қазақстан Республикасы Ұлттық ғарыш агенттігі төрағасының кеңесшісі;
- Қазақстан Республикасы Ұлттық ғарыш агенттігінің ғарыш қызметін дамыту Департаментінің директоры,
– академик Ө.М.Сұлтанғазин атындағы Ғарыштық зерттеулер институтының, ғарыштық технологияларды ақпараттық-білім берумен қамтамасыз ету бөлімі басшысының орынбасары,
- «Ғарыштық зерттеулер мен технологиялар Ұлттық орталығы» АҚ «Ғарыштық зерттеулер институты» ЖШС директорының орынбасары.
2012 жылдың көктемінен бастап Жас ғарышкерлер мектебінде сабақ береді, Астана қаласы Оқушылар сарайында «3D модельдеу» үйірмесін басқарады.
2015 жылдың қыркүйегінде «Союз ТМА-18М» ғарыш кемесінің бортинженері ретінде Халықаралық ғарыш станциясына ғарыштық ұшуды жүзеге асырды.
Қазақстан Республикасының ұшқыш-ғарышкері (12.10.2012), «Халық қаһарманы» (14.10.2015) атағын және «Қазақстанның Ғарышкер-ұшқышы» (14.10.2015) құрметті атақты иеленді, «Отан» (14.10.2015) орденінің иегері.
2016 жылдың қаңтарынан бастап «Қазақстан Ғарыш Сапары» ҰК» АҚ ғарыш жүйелерін құру және пайдалану жөніндегі вице-президенті болып тағайындалды, 2019 жылдың 26 ақпанында «Қазақстан Ғарыш Сапары» ҰК» АҚ Басқарма төрағасының орынбасары – өндіріс жөніндегі басқарма мүшесі қызметіне қайта сайланды.
2020 жылдың сәуір айынан бастап «Қазақстан Ғарыш Сапары» ҰК» АҚ басқарма төрағасының орынбасары қызметіне қайта сайланды.
2021 жылдың қыркүйегінен бастап «Қазақстан Ғарыш Сапары» ҰК» АҚ басқарма төрағасы болып сайланды.