Құрметті оқырмандар!

Қазақстан Республикасы Үкіметінің 2020 жылғы 2 мамырдағы №262 Қаулысымен «Қолданбалы этносаяси зерттеулер институты» құрылды.

Институттың басты міндеті - этносаралық қатынастар саласындағы мемлекеттік саясатты зерттеу және талдамалық сүйемелдеу болып табылады.

Осы мақсатта біздің мамандар үнемі далалық және мониторингтік іс-шаралар өткізіп, әртүрлі этникалық топтар арасындағы әлеуметтік-мәдени ерекшеліктердің негізінде ерекшелену мен жанасу нүктелерін зерттейді.

Мемлекет бойынша этникалық үдерістерді зерттей отырып, Институт барлық қазақстандықтардың мүдделерінің оңтайлы теңгерімін қамтамасыз ету бойынша ұсыныстар дайындайды. Мәдени алуан түрлілік қауіп факторы немесе ықтимал қақтығыс аймағы ретінде емес, үйлесімді және жан-жақты қоғамның, жоғары жиынтық адами капиталдың негізін құруға қызмет етеді.

«Ашық диалог» платформасы этносаяси мәселелерді талқылауға азаматтық секторды, сарапшылық топтар мен кең жұртшылықты тартуға, елдің оң ұлттық бірегейлігін қалыптастыруға мүдделі тұлғаларды тікелей қатысуға мүмкіндік береді. Бұл блог этносаралық қарым-қатынас мәселелерін көтеретін әрбір қазақстандық үшін қолжетімді коммуникациялық ортаға айналады деп үміттенемін.

Біздің ұжым жемісті ынтымақтастық үшін ашық!