Қамбаров Қ.Т.

ҚР МАМ Жастар және отбасы істері комитеті төрағасы

Қамбаров Қайрат Тельманұлы – Қазақстан Республикасы Мәдениет және ақпарат министрлігінің Жастар және отбасы істері комитет төрағасы.

Қамбаров Қайрат Тельманұлы 1989 жылы 11 сәуір күні Алматы қаласында дүниеге келді.

2010 жылы Әл-Фараби атындағы ҚазҰУ-тін «Мемлекеттік және жергілікті басқару» мамандығы бойынша бітірген. 2014 жылы «Тұран-Астана» университетінде «Мемлекеттік және жергілікті басқару» мамандығы бойынша магистр дәрежесін алды.

«Ерен еңбегі үшін» және «Халық алғысы» медальдарымен марапатталған.

Еңбек жолын 2010 жылдың желтоқсан айында «Астана қаласының Ішкі саясат басқармасы» ММ Талдау, мониторинг және әдістемелік жұмыс бөлімінің бас маманы болып бастаған.

2012 жылдың сәуір-қараша айлары аралығында «Астана қаласы әкімінің аппараты» ММ Ұйымдастыру-инспекторлық бөлімінің бас маманы қызметін атқарды.

2012 жылдың қарашасынан 2013 жылдың қыркүйегіне дейін «Астана қаласы әкімі аппараты» ММ Ұйымдастыру-инспекторлық бөлімінің бас маман-протокол басшысы болып қызмет атқарды.

2013 жылғы қыркүйектен қазан аралығында Қазақстан Республикасы Президенті Іс басқармасының Ресми іс-шаралар және сыртқы байланыстар бөлімінің ресми іс-шаралар секторының меңгерушісі.

2013 жылдың қазан-қараша айлары аралығында «Астана қаласының Жастар саясаты мәселелері басқармасы» ММ Студенттермен және мектеп жастарымен жұмыс бөлімінің басшысы болды.

2013 жылдың қарашасынан бастап 2014 жылдың шілде аралығында – «Нұр Отан» Партиясы» ҚБ Астана қалалық филиалының Әкімшілік бөлімінің консультанты.

2014 жылдың шілдесінен бастап қыркүйек аралығында «Нұр-Отан» Партиясының Астана қалалық филиалының Сайлауалды тұғырнамасын іске асыру және бақылау бөлімінің консультанты.

2014 жылдың қарашасынан бастап 2015 жылдың шілде аралығында «Астана қаласы бойынша Тексеру комиссиясы» ММ бақылау бөлімінің бас инпекторы-бас бақылаушысы.

2015 жылғы шілде айынан бастап 2018 жылдың сәуір айы аралығында «Астана қаласының Ішкі саясат басқармасы» ММ басшысының орынбасары.

2018 жылдың сәуір айынан бастап шілде айына дейін «Астана қаласының Тілдерді дамыту және архив істі басқармасы» ММ басшының орынбасары болып жұмыс істеді.

2018 жылдың шілде айынан бастап 2019 жылдың қыркүйек айы аралығында «Астана қаласы әкімінің апараты» ММ Ұйымдастыру-бақылау жұмысы бөлімінің басшысы ретінде қызмет атқарды.

2019 жылдың қыркүйегінен 2021 жылдың қаңтарына дейін Астана қаласы «Есіл» ауданы әкімінің аппарат басшысының қызметін атқарды.

2021 жылдың қаңтарынан 2024 жылдың қаңтарына дейін «Астана қаласының Жастар саясаты мәселелері басқармасы» ММ басшысы болып жұмыс атқарды.

2024 жылдың қаңтар айында Қазақстан Республикасы Мәдениет және ақпарат министрлігінің Жастар және отбасы істері комитеті төрағасы лауазымына тағайындалды.