Уразалина Д.А.

«Отан соғысы ардагерлеріне арналған республикалық клиникалық госпиталь» ШЖҚ РМК директоры

        Мен, Уразалина Динара Аманболқызы, 1978 жылы 31 наурызда Солтүстік Қазақстан облысында дүниеге келдім. 1995 жылы орта мектепті «Алтын» медальмен бітіріп, Алматы қаласындағы Қазақ мемлекеттік медицина университетінің емдеу ісіфакультетіне оқуға түстім.2001 жылы университетті емдеу ісі мамандығы бойынша бітіріп, дәрігер мамандығын алдым.2002 жылыАстана қаласындағы Қазақ мемлекеттік медицина академиясында интернатураны бітірдім.  Еңбек жолымды университеттің 3 курсында оқып жүрген кезден бастадым. 1999 жылдың қаңтар айынан 2001 жылдың шілде айына дейін мейіргерболып жұмыс істедім. 2002 жылдың шілде айынан бастап 2003 жылдың маусым айына дейін «Диасорб» медициналық орталығында дерматолог-дәрігер болып жұмыс істедім. Жұмыс істей жүріп, Қазақ мемлекеттік медицина академиясының фармацевтика факультетінде фармация мамандығы бойынша қоса оқыдым. 2003 жылдың маусым айынан бастап 2005 жылдың ақпан айына дейін ҚР ҰҚК Республикалық емханасында  терапевт - дәрігер,  2005 жылдың ақпан айынан 2006 жылдың маусым айына дейін сарапшы - терапевт – дәрігерболып жұмыс істедім. 2005 жылдың маусым айынан бастап 2010 жылдың маусым айына дейін «Диасорб» медициналық орталығы директорының орынбасары, 2010 жылдың маусым айынан 2017 жылдың қыркүйек айына дейін «Диасорб» медициналық орталығының бас дәрігері қызметін атқардым. Астана қаласындағы Almaty Management University магистратурасында қоса оқыдым,Master of business administration (ІӘМ) мамандығын алдым.2017 жылдың қазан айынан 2019 жылдың қаңтар айына дейін ҚР ДСМ-нің «ОСМОКГ» ШЖҚ РМК директорының стратегиялық даму жөніндегі орынбасары болып жұмыс істедім. 2018 жылдан қазірге дейін PhD доктарантурада оқимын. 2018 жылы ҚР Денсаулық сақтау үздігі төсбелгісімен марапатталдым. 2019 жылдың қаңтар айынан бастап қазіргі уақытта ҚР ДСМ-нің «ОСМОКГ» ШЖҚ РМК директоры болып жұмыс істеймін.