Бекешев Е.А.

«Ғарыш-Экология» ғылыми-зерттеу орталығы» РМК бас директорының м.а.

Бекешев Ерлан Ахмедович, 1980 жылы туған, 2002 жылы Қ.И.Сәтбаев атындағы Қазақ ұлттық техникалық университетін отын және көмірсутек материалдарының химиялық технологиясы мамандығы бойынша бітірген. 2003 жылдан 2007 жылға дейін "А.Б. Бектұров атындағы химия ғылымдары институты" ЕМК-ның физикалық химия зертханасында аспирантурасында оқыған, 2011 жылдан 2012 жылға дейін Алматы Үздіксіз білім беру университетінде қаржы мамандығы бойынша оқыған, 2013 жылдан 2015 жылға дейін Қ.И.Сәтпаев атындағы Қазақ Ұлттық Техникалық Зерттеу Университетінде оқып, "Ғарыш техникасы және технологиясы" мамандығы бойынша академиялық магистр дәрежесін алды.

ҚР Цифрлық даму, инновациялар және аэроғарыш өнеркәсібі министрлігі Аэроғарыш комитетінің "Ғарыш-Экология" РМК-да  "(бұрын "Инфракос-Экос" ЕМК) 2005 жылдан бері жұмыс істеп келеді.

Кәсіпорындағы еңбек қызметі аға маман лауазымынан басталды, содан кейін кәсіби өсуі басталды: жетекші маман, экологиялық бағдарламалар бөлімінің бас маманы, экологиялық бағдарламалар бөлімінің экологиялық нормалау секторының меңгерушісі, 2012 жылдан 2013 жылға дейін бас директордың орынбасары қызметін атқарды. Магистратураны тәмамдағаннан кейін кәсіпорынға оралды.

Е.А. Бекешев «Т-1 керосинімен ластанған топырақты тазарту үшін қолданылатын Acinetobacter calcoaceticum 18, Bacillus sp.20, Micrococcus roseus 25, Candida sp.12/5 микроорганизм-деструкторлардың штамдарынан әзірленген микробтық препарат» атты №30797 ҚР-ның инновациялық патентінің авторларының бірі, әртүрлі республикалық және халықаралық басылымдарда жарияланған 20-дан астам ғылыми еңбегі бар.

Қазақстан Республикасы Ұлттық ғарыш агенттігінің құрмет грамотасымен, кәсіпорынды дамытуға қосқан үлесі үшін "Инфракос-Экос" ЕМК құрмет грамотасымен, Ю.А. Гагариннің  ғарышқа ұшуының 50 жылдығына орай ҚР Ұлттық ғарыш агенттігінің естелік төсбелгісімен марапатталған.

Магистратурада оқып жүрген кезінде Қырым Республикасы, Алушта қаласы, Мәскеу Авиациялық Институтының "Аэроғарыш онкүндігі 2014" VII бүкілресейлік студенттік ғылыми-техникалық мектеп-семинарының дипломымен марапатталды.