Абдикаликов Р.К.

ҚР ЦДИАӨМ Ақпараттық қауіпсіздік комитетінің төрағасы

Жалпы ақпарат, білімі

1975 жылы 17 тамызда Қызылорда қаласында дүниеге келді.

1996 жылы  Қорқыт Ата атындағы Қызылорда гуманитарлық университетін физика және математика мұғалімі мамандығы бойынша, 2014 жылы Қарағанды мемлекеттік техникалық университетін ақпараттық жүйелер бакалавры мамандығы бойынша бітірді. 

Еңбек қызметі

2005 жылы «Ұлттық ақпараттық технологиялар»  АҚ ақпараттық жүйелерге сервистік жүйелік-техникалық қызмет көрсету департаментінің сервистік жүйелік-техникалық қызмет көрсету бөлімінің техникалық қызмет көрсету секторының бас маманы лауазымынан бастады.  

2005-2011 жылдар аралығында Қазақстан Республикасы Орталық сайлау комиссиясының «Инженерлік-техникалық орталық» РМК-да әртүрлі басшылық лауазымдарда жұмыс істеді.

2011 жылдан 2012 жылға дейін Қазақстан Республикасы Байланыс және ақпараттандыру министрлігінің «Телекоммуникациялар саласындағы техникалық сүйемелдеу және талдау орталығы»  РМК зертханалық сынақтар департаментінің директоры қызметін атқарды.

Содан кейін 2012 жылдан 2014 жылға дейін Қазақстан Республикасы Көлік және коммуникация министрлігінің «Мемлекеттік техникалық қызмет» РМК инфокоммуникациялық жүйелер мониторингі басқармасының бастығы болып жұмыс істеді.

2014 жылдан 2016 жылға дейін Қазақстан Республикасы Инвестициялар және даму министрлігі Байланыс, ақпараттандыру және ақпарат комитетінің байланыс және ақпараттандыру саласындағы бақылау басқармасының басшысы қызметін атқарды.

2016 жылдан 2020 жылға дейін Қазақстан Республикасы Қорғаныс және аэроғарыш өнеркәсібі министрлігінің Ақпараттық қауіпсіздік комитеті төрағасының орынбасары қызметін атқарды.

2020 жылғы маусымнан бастап Қазақстан Республикасы Цифрлық даму, инноваиялар және аэроғарыш өнеркәсібі министрлігі Ақпараттық қауіпсіздік комитетінің төрағасының қызметін атқаруда.