Әбдірахманова С.Ә.

«Трансфузиология ғылыми-өндірістік орталығы» ШЖҚ РМК басқарма төрағасы

1970 жылы Екібастұз қаласында дүниеге келді, 8 сыныпты бітіргеннен кейін медициналық колледжге оқуға түсті. Колледжді бітірген соң 1988 жылы Екібастұз қаласы Қалалық клиникалық ауруханасының реанимация және қарқынды терапия бөлімшесінде жұмыс істеді.

1989 жылы Қарағанды мемлекеттік медицина институтының емдеу факультетіне оқуға түсті, оны 1995 жылы тамәмдады.

Институтты бітірген соң Павлодар қаласының № 2 емханасында учаскелік терапевт болып жұмыс істеді.

2001 жылдан бастап – Фармация комитетінің фармацевтикалық өнеркәсіпті дамыту бөлімінің маманы, жиынтық-аналитикалық бөлімінің бастығы. 2005 жылдан бастап – Медициналық қызметтер сапасын бақылау комитетінің әдістемелік бөлімінің бастығы.

2009 жылғы қаңтардан бастап Астана қаласы Қан орталығы директорының инновациялық мәселелер жөніндегі орынбасары, 2011 жылғы ақпаннан бастап – ҚР ДСМ Трансфузиология ғылыми-өндірістік орталығы директорының бірінші орынбасары.

2019 жылғы мамырдан бастап – ҚР ДСМ Трансфузиология ғылыми-өндірістік орталығының директоры.

2020 жылғы мамырдан бастап – ҚР ДСМ Трансфузиология ғылыми-өндірістік орталығының Басқарма төрағасы.

«Денсаулық сақтау ісінің үздігі» төсбелгісімен, «Шапағат» медалімен, Қазақстан Республикасы Президентінің құрмет грамотасымен марапатталған.

«Қоғамдық денсаулық сақтау» мамандығы бойынша медициналық ғылымдар кандидаты, жоғары санаттағы ұйымдастырушы-дәрігер, бірінші санаттағы дәрігер-трансфузиолог.