Марс А.М.

ҚР АШМ Агроөнеркәсіптік кешендегі мемлекеттік инспекция комитетінің төрағасы

Марс Алмабек Марсұлы 1976 жылғы 4 тамызда Батыс Қазақстан облысы, Жәнібек ауданы, Жәнібек ауылында дүниеге келді.

1997 жылы Батыс Қазақстан ауыл шаруашылық институтын агрономия мамандығы бойынша, 2010 жылы Еуразия академиясын құқықтану мамандығы бойынша бітірген.

 Ауыл шаруашылық ғылымдарының кандидаты және ауыл шаруашылық ғылымдарының докторы ғылыми дәрежелері бар.

Мемлекеттiк наградалары мен құрметті атақтары:

2013 ж. - «Ерен еңбегі үшін» медальі;

2019 ж. - «Құрмет» ордені.

Еңбек жолын 1997 жылы «Нар» акционерлік қоғамының Вице-президенті қызметінен бастады.

2000-2001 жылдары Қазақстан Республикасының Ауыл шаруашылығы министрлігі Батыс Қазақстан облыстық аумақтық басқармасының жетекші маманы;

2001-2003 жылдары Қазақстан Республикасының Ауыл шаруашылығы министрлігі Батыс Қазақстан облыстық аумақтық басқармасының өсімдіктер карантині жөніндегі мемлекеттік инспекция бөлімінің бас маманы;

2003-2007 жылдары Қазақстан Республикасының Ауыл шаруашылығы министрлігі Батыс Қазақстан облыстық аумақтық басқармасының өсімдіктер карантині жөніндегі мемлекеттік инспекция бөлімінің бастығы;

2007-2010 жылдары Қазақстан Республикасының Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Батыс Қазақстан облыстық аумақтық инспекциясының шекара бекеттері және өсімдіктер карантині жөніндегі мемлекеттік инспекция бөлімінің бастығы;

2010-2011 жылдары Қазақстан Республикасының Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Фитосанитариялық қауіпсіздік, мемлекеттік техникалық инспекция және егіншіліктегі мемлекеттік инспекциясы басқармасының басшысы;

2011-2020 жылдары Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитеті төрағасының орынбасары қызметтерін атқарды.

2020 жылғы қаңтар айынан бастап ҚР АШМ Агроөнеркәсіптік кешендегі мемлекеттік инспекция комитетінің төрағасы қызметін атқарады.