Жұмағали Қ.Ж.

«Ұлттық киноны қолдау мемлекеттік орталығы» КЕАҚ басқарма төрағасы

Құрманбек Жұмағали 1985 жылы 27 тамызда дүниеге келген. Үйленген, төрт баласы бар. 2008 жылы Абай атындағы Қазақ ұлттық педагогикалық университетін "Халықаралық журналистика" мамандығы бойынша бітірген.

Өзінің кәсіби мансабын "Қазақстан" телеарнасының корреспондент-редакторы ретінде бастады, ақпараттық бағдарламалар дирекциясының продюсері және "Хабар" телеарнасының қорытынды жаңалықтарының жүргізушісі болды, "Қазақстан" телеарнасының ақпараттық-сараптамалық бағдарламалар дирекциясының директоры қызметін атқарды, "Қазақстан" РТРК АҚ өңірлік филиалдарының даму мәселелеріне жетекшілік етті, 2013-2018 жылдар аралығында мемлекеттік қызметте жұмыс істеді – Қарағанды облысы әкімдігінің баспасөз қызметінің жетекшісі, Маңғыстау облысы ішкі саясат басқармасының басшысы қызметін атқарды.

Сонымен қатар, "Қазақ Радиолары" ЖШС басқарды, "Қазақстан РТРК"АҚ Басқарма төрағасының бірінші орынбасары болды. "Астана" телеарнасының бас директоры қызметін атқарды, құрамына "31 арна" және informburo.kz ақпараттық порталы кіретін "31" Медиахолдингін басқарды.