Мәдиев М.Д.

IT-стартаптардың халықаралық технопаркі» корпоративтік қорының Бас директоры

Мағжан Дінмұхаммедұлы Мәдиев 1989 жылы 10 мамыр күні Алматы қаласында дүниеге келген. 2008 жылы Цинхуа университетін "қытай тілі" мамандығы бойынша оқып бітіреді, 2013 жылы "қытай тілі және әдебиеті" мамандығы бойынша Фудан университетінде білім алады.

Мағжан Мәдиев — технологиялық бизнес және инновациялар экожүйесін дамыту саласының маманы. "Astana Hub" IT-стартаптардың халықаралық технопаркінің негізін қалаушысы және  дамыту стратегиясының авторы болып табылады, 2016-2018 жылдары технопаркті іске қосуға қатысты, ол Қазақстан стартаптарының экожүйесін дамытуға серпін берді.

Ол — Naimi.kz атты танымал стартап-жобаның негізін қалаушысы. Платформа жеке қызмет көрсету мамандарын іздеуге арналған маркетплейс болып табылады. Өзін-өзі жұмыспен қамтитын мамандарды жұмысқа орналастыруда стартаптың әлеуметтік қоғамқа қосқан үлесін ҚР Тұңғыш Президенті Елбасы Нұрсұлтан Назарбаев та атап өткен болатын.

Naimi.kz мобильді қосымшасы осымен үшінші жыл қатарынан Forbes Kazakhstan нұсқасы бойынша Қазақстанның үздік мобильді қосымшаларының үздік 30-ына кіреді.

Мағжан Мәдиев "Ecole 42" француз мектебінің үлгісі бойынша құрылған Alem инновациялық бағдарламалау мектебінің құрылтайшысы болып табылатын Umit Fund жеке білім беру қорын басқарды. Мағжан Қазақстанда alem мектебін ашу және іске қосу бойынша келіссөздерде жетекші рөл атқарды.

Әр жылдары ол "Атамекен" ҰКП Басқарма төрағасының цифрландыру жөніндегі кеңесшісі және ҚР Президентінің цифрландыру және инновациялық технологиялар жөніндегі кеңесшісі жанындағы Президент Әкімшілігінің цифрлық кеңсесінің сарапшысы болып жұмыс істеді.