Талғар ауданының «Талғар су» шаруашылық жүргізу құқығындағы мемлекеттік коммуналдық кәсіпорны, Талғар ауданының ШЖҚ «Су құбыры» МКК негізінде Алматы облысы Талғар ауданы әкімінің 2017 жылдың 6 желтоқсанындағы № 12-778 қаулысымен құрылған. Алматы облысы Әділет департаментінің Талғар аудандық Әділет басқармасында «Талғар су» кәсіпорын тіркелген - тіркеу нөмірі 2382-1907-09-ГП 2017 жыл 4 желтоқсан, БСН-171240000875.

Кәсіпорын қызметінің түрі: суды жинау, өңдеу және су бұру.

Кәсіпорын, Талғар қаласына (Кеңдала, Ақдала ауылдары) және Талғар ауданының 20 елді мекеніне (Жаңалық, Жалғамыс, Қызылту, Кіші-Байсерке, Рысқұлово, Береке, Тұздыбастау, Бесағаш, Еркін, Дәулет, Панфилов (СНК), Еламан, Сақтан, Достық, Көктал, Қызыл Қайрат, Қотырбұлақ, Бесқайнар, Тереңқара ауылдары) қызмет көрсетіп  халықты және кәсіпорындарды тазартылған ауыз сумен қамтамасыз етеді.

Кәсіпорынның балансында 47 артезиан ұңғымасы бар. Ұңғымалар ЭЦВ маркалы тереңдік сорғылармен жабдықталған, саны 47 бірлік + 29 екінші көтергіш сорғы, барлығы 76 сорғы орнатылған, жалпы қуаты 1280 КВТ, 600,17 шақырым құрайтын су құбыры желілері бар және 31 су жинау құрылғысы, 32 резервуар, 11 су тегеурінді мұнара жұмыс атқарады.

Бесағаш ауылы үшін және ішінара Тұздыбастау ауылы үшін кәсіпорын Алматы қаласының ШЖҚ «Алматы су» МКК-нан ауыз су сатып алады, сондай-ақ Қызыл Қайрат ауылы үшін «Алатау» филиалынан ауыз су сатып алады. Алматы қаласының ШЖҚ «Алматы су» МКК коллекторына шаруашылық-тұрмыстық және өндірістік сарқынды суларды кәріздейді және 135,31 шақырым кәріз желілеріне қызмет көрсетеді.

Кәсіпорын балансында 41 бірлік автотехника жұмыс жасайды, қызметкерлердің тізімдік саны 269 адам, оның ішінде ӘБҚ - 22 адам, ИТҚ және өндірістік жұмысшылар 247 адам.