Чарапиев Т.Т.

«Олимп» кәсіпқой регби клубы» МКҚК директоры

Чарапиев Тұратбек Төлеубекұлы 1956 жылғы1 қаңтарда Талдықорған облысы, Сарқан ауданының Веселое ауылында дүниеге келген.

Ұлты – қазақ.

Білімі жоғары. Үйленген. Төрт баланың әкесі.

1973 жылы Талдықорған облысы Сарқан ауданы, Веселый ауылындағы орта мектепті бітірді. 1982 жылы Қазақтың физкультура институтына түсіп, 1987 жылы «дене тәрбиесі және спорт» мамандығы бойынша аяқтады, 1997 жылы «экономика және менеджмент» мамандығы бойынша Жетісу экономикалық институтын бітірді.

Қызмет жолын 1974 жылы Сарқан ауданының «Путь Илича» колхозының спорттан әдіскері болып бастады. Әскери борышын өтегеннен кейін, 1978-1987 жылдары облыстық білім басқармасының жанындағы балалар мен жасөспірімдер спорт мектебінде жаттықтырушы-мұғалім болып жұмыс жасады. 1987-1995 жылдары облыстық білім басқармасының әдістемелік жұмыс жөніндегі инспекторы, оқу ісі жөніндегі инспекторы, «Еңбек резервтері» ерікті спорт қоғамының  оқу-спорт бөлімінің  бастығы, облыстық білім басқармасы бастығының орынбасары болып қызмет атқарды.  1995-1997 жылдары  дене тәрбиесі, «спорт және туризм» облыстық қауымдастығының бас маманы, бастығының  орынбасары болды. 1997-2002 жылдары  облыстық білім басқармасы дене тәрбиесі және спорт бөлімінің бас маманы, ОРМБЖМ-нің нұсқаушы-әдіскері болып қызмет атқарды. 2002 жылы облыстық спорт және дене тәрбиесі басқармасының дене шынықтыру-сауықтыру бөлімінің бас маманы болып тағайындалды, 2003 жылы - бөлім басшысы, 2004 жылы -басқарма бастығының орынбасары болды. 2005 жылы осы басқарманың бастығы болып тағайындалды. 2009-2011 жылдары облыстық туризм, дене шынықтыру және спорт  басқармасының бастығы, 2011-2014 жылдар аралығында Сарқан ауданының әкімі қызметтерін атқарды. 2014 жылы облыстық дене шынықтыру және спорт басқармасының басшысы болып қайта тағайындалды. 2018 жылдың қыркүйек айынан бастап бүгінгі күнге дейін «Олимп» кәсіпқой регби клубы» МКҚК директоры.

Чарапиев Т.Т. «Құрмет» орденінің иегері, «Қазақстан Республикасының Білім озаты» белгісімен, «Қазақстан Республикасының Құрметті спорт қайраткері»,  «Дене шынықтыру және спортты дамытудағы сіңірген еңбегі үшін», «Қазақстан Республикасының еңбек сіңірген жаттықтырушысы» атақтарымен марапатталған, Сарқан ауданының Құрметті азаматы. «Астананың 10 жылдығы», «Астананың 20 жылдығы», «Қазақстан Республикасының Тәуелсіздігіне 20 жыл», «Қазақстан Республикасының Тәуелсіздігіне 25 жыл», «Қазақстан Республикасының Конституциясына 20 жыл» мерекелік медальдармен марапатталған.