Баймолдина З.Х.

ҚР Жоғары Сот Кеңесінің жанындағы Сот төрелігі академиясының ректоры

Жалпы ақпарат, білім:

1956 жылы Ақмола облысында дүниеге келген.

1979 жылы Қарағанды мемлекеттік университетін («Құқықтану» мамандығы), 1984 жылы Саратов заң институты жанындағы күндізгі аспирантураны, 1995 жылы Ұлттық төрешілер колледжі жанындағы курстарды бітірді (Рено қ., АҚШ).

Ғылыми атақтары, дәрежелері:

• Заң ғылымдарының кандидаты, кандидаттық диссертациясының тақырыбы: «Тұрғын үйге жеке меншік құқығы туралы даулар бойынша істерді қараудың процестік ерекшеліктері» (1984)

• Қазақ гуманитарлық заң университетінің профессоры (2004)

Еңбек қызметі:

1985-1994 жылдары - Е.А. Букетов атындағы Қарағанды мемлекеттік университеті Заң факультетінің оқытушысы, аға оқытушысы, доценті, декан орынбасары;

1994-1996 жылдары - Қазақстан Республикасы Әділет министрлігінің экономикалық заңнама бөлімінің бастығы, заңды тұлғаларды тіркеу басқармасының, Бас басқармасының бастығы;

1996-2005 жылдары - Қазақ мемлекеттік заң институтының кафедра меңгерушісі, Кәсіпкерлік-құқық факультетінің деканы, доценті, профессоры;

2005-2006 жылдары - Қазақстан Республикасы Қоршаған ортаны қорғау министрлігінің Нормативтік-құқықтық қамтамасыз ету басқармасының бастығы, Нормативтік-құқықтық қамтамасыз ету және халықаралық ынтымақтастық департаменті директорының орынбасары;

2006-2008 жылдары - Қазақстан Республикасы Президенті Әкімшілігінің құқық қорғау және сот жүйелері мәселелері бөлімінің бас сарапшысы, бас инспекторы;

2008-2012 жылдары - Қазақстан Республикасы Президенті Әкімшілігінің мемлекеттік-құқықтық бөлімінің инспекторы, Парламент Сенаты Аппараты бөлімінің меңгерушісі;

2012-2017 жылдары - Қазақстан Республикасы Әділет Министрінің орынбасары;

2017-2019 жылдары - Қазақстан Республикасы Орталық сайлау комиссиясының мүшесі;

2019-2024 жылдары - Қазақстан Республикасы Жоғарғы Сотының жанындағы Сот төрелігі академиясының ректоры;

2024 жылдан - Қазақстан Республикасы Жоғары Сот Кеңесінің жанындағы Сот төрелігі академиясының ректоры.

Мемлекеттік және халықаралық наградалары, сыйлықтары, құрметті атақтары:

«Құрмет» ордені (2014);

«Ерен еңбегі үшін» (2008), «Қазақстан Конституциясына 10 жыл» (2005), «Астананың 10 жылдығы» (2008), «Қазақстан Тәуелсіздігіне 20 жыл» (2011), «Қазақстан Конституциясына 20 жыл» (2015), «За вклад в создание Евразийского экономического союза» II степени (2015), «Қазақстан Тәуелсіздігіне 25 жыл» (2016), «Қазақстан Конституциясына 25 жыл» (2020) медальдері.

Ғылыми, әдеби еңбектер, жарияланымдар:

Екі томдық «Гражданское процессуальное право Республики Казахстан» оқулығының (Алматы, 2001), «Доказывание и доказательства в гражданском судопроизводстве» (Алматы, 2001), «Исковой порядок защиты прав в суде» (Алматы, 2001), «Разбирательство гражданских дел в суде первой инстанции» (Алматы, 2001) құралдарының, «Проверка судебных постановлений в гражданском процессе стран ЕС и СНГ» ғылыми құралының (Мәскеу, 2007); 87 ғылыми мақала мен әдістемелік әзірлемелердің авторы.