Койлыбаев Б.Қ.

Кәусар облыстық оңалту орталығы КМК директоры

Койлыбаев Берікжан Қожаханұлы 1958 жылы 29 шілдеде Алматы облысы Еңбекшіқазақ ауданы Талдыбұлақ ауылында дүниеге келген. 1975 жылы орта мектепті бітірген.  1975 -1976 жылдар аралығында Киров совхозында жұмыс істеген. 1977 жылы Қазақ ұлттық медицина институтының дайындық курсына түсіп,1984 жылы институтты бітірді. 1984 жылы Кеген ауданының Жалаңаш ауылына тіс дәрігері қызметіне жолдамамен жіберілді. 1987 жылдан 1993 жылға дейін Балтабай учаскелік ауруханасында жұмыс істеді. 1993 жылдан 1995 жылға дейін бірінші қалалық стоматологиялық емханада бөлім меңгерушісі болды. Қалалық денсаулық сақтау басқармасының бұйрығымен 6-шы стоматологиялық емхананың меңгерушісі қызметіне ауыстырылып, 2000 жылға дейін қызмет атқарды. Емхананы жекешелендіруге байланысты, Тұздыбастау дәрігерлік амбулаториясында бас дәрігер болып 2005 жылға дейін қызмет атқарды. 2005 -2010 жыл аралығында Есік қаласындағы Республикалық психоневрологиялық интернатта директор қызметін атқарды. 2010 жылдан 2011 жылға дейін облыстық көпбейінді клиникалық ауруханада директор қызметін атқарды. 2011 жылы Облыстық денсаулық сақтау басқармасының бұйрығымен туберкулезге қарсы «Шымбұлақ » балалар шипажайына бас дәрігер болып тағайындалып ,қазіргі таңда "Алматы облысының денсаулық  сақтау басқармасы" мемлекеттік мекемесінің шаруашылық жүргізу құқығындағы "Кәусар" облыстық оңалту орталығы" комуналдық мемлекеттік кәсіпорнында  директор  қызметін атқаруда. Үлгілі отағасы, 3 баласы , 8 немересі бар. Денсаулық сақтау саласында атқарған ерен еңбектері үшін : «Кәсіподаққа сіңірген еңбегі үшін» омырау белгісімен «Денсаулық сақтау ісінің үздігі» омырау белгісімен Бауыржан Момышұлының «Батыр Шапағаты» медалімен «Орден Гиппократа » «Орден Слава Казахстана »  ордендарымен жәнеҚазақстан Республикасы Денсаулық сақтау минстрлігі  «Денсаулық сақтау ісіне қосқан үлесі үшін»  төсбелгісімен марапатталды.