Олжаев С.Т.

ШЖҚ «Алматы аймақтық көпсалалы клиника» КМК ("Алматы өңірлік онкологиялық диспансері") директоры

 

Мен, Олжаев Саяхат Таурбекович, 1975 жылы Шығыс Қазақстан облысы,  Жарма ауданы, Қалбатау ауылында дүниеге келдім. 1992 жылы В.В. Маяковский орта мектебін бітіргенмін. Орта оқу орнын аяқтаған соң,  Алматы мемлекеттік медицина институтының «Емдеу ісі» мамандығына оқуға түсіп, 1998 жылы С. Ж. Асфендияров атындағы Қазақ ұлттық медицина университетін тәмамдадым. Үйленгенмін, 4 баланың әкесімін. Алғашқы еңбек жолын 1998 жылы «№ 7» қалалық клиникалық ауруханасының шұғыл хирург дәрігер лауазымынан бастадым. 2004 жылы медицина ғылымдарының кандидаты ғылыми дәрежесін алдым. 2007 жылы Қазақ мемлекеттік медицина академиясына 3 жыл мерзімге "хирургия" мамандығы бойынша доктронтураға қабылдандым. 30-дан астам ғылыми мақала авторымын. 2009 жылдан бастап қазіргі уақытқа дейін  ШЖҚ «Алматы аймақтық көпсалалы клиника» КМК  ("Алматы өңірлік онкологиялық диспансері") директоры болып жұмыс істеймін. Бос уақытымда футбол ойнап, велосипед тепкенді жақсы көремін.

2013 жылы "Қазақстан Республикасының денсаулық сақтау үздігі" наградалық белгісімен және "Қазақстан Республикасының денсаулық сақтау қызметкерлері үздігі"наградалық белгісімен марапатталдым.