Айбасова Г. Х.

«Алматы облыстық медициналық-әлеуметтік оңалту және психотерапия орталығының» директоры

Жалпы білім беретін орта мектепті бітірген соң С.Асфендияров атындағы Алматы мемлекеттік медицина институтының педиатриялық факультетін бітірдім.  Интернатураны «Психиатрия» мамандығы бойынша Республикалық психиатриялық ауруханада оқыдым. Осы Республикалық психиатриялық ауруханасында дәрігер-ординатор қызметін атқардым, содан кейін бөлімше меңгерушісі және бас дәрігердің орынбасары болып қызмет атқардым.     

2003 жылы Республикалық психиатрия, психотерапия және наркология ғылыми-практикалық орталығының директоры қызметіне тағайындалдым.

2008 жылдан бастап осы уақытқа дейін «Алматы облыстық медициналық-әлеуметтік оңалту және психотерапия орталығының» директоры қызметін атқарамын.

Сонымен бірге Т.Б.Гончаров атындағы Қазақ автомобиль-жолдары университетінің экономика факультетін және Қазақстан заң-гуманитарлық университетінің заң факультетін оқып бітірдім.

Психиатрия, психотерапия, сот психиатриясы, денсаулық сақтауды ұйымдастыру мамандықтары бойынша әртүрлі білім жетілдіру курстары мен конференцияларға қатыстым.  

Москва қаласындағы В.П.Сербский атындағы сот және әлеуметтік психиатрия мемлекеттік ғылыми орталығында, И.Сеченов атындағы Москва медициналық академиясының әлеуметтік және сот психиатриясы кафедрасында, Санкт-Петербург педиатриялық медицина институтының психиатрия кафедрасында білім жетілдіру курстарынан өттім.  Германияның Штутгард қаласындағы медицина университетінің психиатриялық клиникасында, Францияның Париж қаласындағы «Әулие Анна» психиатриялық клиникасында курстар өттім. Дүниежүзілік денсаулық сақтау ұйымының Европа аймақтық бюросының «Психотроптық заттарды теріс пайдалану проблемаларын ерте анықтау және шешу жөнінде шаралар қабылдау» тақырыбындағы және Еуропалық психиатрлар қауымдастығының «Шизофренияны дәрі-дәрмекпен емдеу тенденциялары» тақырыбындағы оқыту семинарларының сертификаттарын алдым.

Алматы мемлекеттік дәрігерлердің білімін жетілдіру институтында «Қоғамдық денсаулық сақтау» 

мамандығы бойынша, «Денсаулық сақтау менеджменті» бойынша Астана қаласында «Тәуелсіз сараптау»,  Англияның Лондон қаласында «Медициналық мекемелерді тиімді басқару. Біріккен Корольдіктің Тәжірибесі» тақырыбында білім жетілдіру курстарынан өттім.

Медицина ғылымдарының докторы ғылыми дәрежесі берілген. Докторлық диссертацияның тақырыбы:  «Қазақстан Республикасында психикалық денсаулықты қорғаудың ұйымдастырушылық аспектілері». 125 ғылыми мақалалар, 3 әдістемелік нұсқаулықтар шығарылды.

«Қазақстан Республикасында психикалық денсаулықты қорғау жөніндегі медициналық қызметті нормативтік реттеу» тақырыбында монография бар.

«Қоғамдық денсаулық сақтау және әлеуметтік гигиена» және «Психиатрия» мамандығы бойынша жоғары біліктілік санаты берілген.