Джансенгиров С.М.

ШЖҚ «Талдықорған жоғары медициналық колледжі» МКК директоры

Джансенгиров Серік Максимұлы, 21.08.1962 жылы туған, қазақ, білімі жоғары медициналық (Қарағанды мемлекеттік медицина институты, 1989ж), медицина ғылымының кандидаты, жоғары санатты оқытушы, Қазақстан Республикасының денсаулық сақтау ісінің үздігі. 2004 жылдан 2016 жылға дейін 3, 4, 5 рет шақыртылған қалалық маслихаттың депутаты.

Джансенгиров С.М. тұрғындар арасында жоғары кәсіби деңгейдегі сыйлы азамат. Жұмыс уақытында өзін сауатты жетекші ретінде көрсетеді. Колледждің материалдық-техникалық, әдістемелік қамтамасыз ету сұрақтарына, Қытай, Ресей, Украйна елдерінің медициналық ұйымдарымен халықаралық қызметтестікті ұйымдастыру сұрақтарына ерекше көңіл бөледі. Жұмыс істеу кезінде жаңа мамандықтар: медициналық лаборант біліктілігімен «Лабораториялық диагностика» мамандығы, дантист біліктілігмен «Стомаология» мамандығы, гигиенист-эпидемиолог біліктілігімен «Гигиена және эпидемиология» мамандықтары ашылған. 2015 оқу жылында облыстық әкімшіліктің қолдауымен көзі көрмейтін мүгедектерге массажист біліктілігімен «Мейірбике ісі» мамандығы ашылды. Оқу мерзімі 1 жыл 10 ай.

Бірінші жетекші ретінде оның ұйымдастырушылық қабілетін атауға болады. Кәсіпорынның гүлденуі мен дамуына зор көмек көрсетуінің арқасында, колледж оқу орындарының арасында жоғары рейтингтік көрсеткіш көрсетіп келеді. Үнемі қалалық әкімшіліктен (жыл сайын) ,бірнеше рет (2011-2012ж.ж.) ҚР Президентінен Алғыс, 2012 жылы Алматы облысы әкімінен алды. Серік Максимұлының еңбекшілдігі, талапшылдығы, мақсатшылдығының арқасында материалдық-техникалық база, оқу-өндірістік база жақсартылып, кітапханалық қор толықтырылып отырады. Жыл сайын ғимараттарға ағымдағы және толық жөндеу жұмыстары да жүргізіліп тұрады. Колледжде аймақтық симуляциялық орталық, виртуалды клиника ашылды.2012 жылы спорт зал салынды.

Колледжде тұрғындардың аз қамтылған бөлігіне әлеуметтік көмек көрсету бағдарламасы қарастырылған. Жетім балалар мен аз қамтылған отбасының балалары ақысыз топтарда білім алса, үздік студенттерге оқу ақысы 15% төмендетілген. Қазіргі уақытта колледжде 25 жетім студент білім алады. 5 үздік студенттің оқу ақысына 15% жеңілдік қарастырылған. Жатақханада 5 жетім студент тұрса, оның 3-уі ата-аналарының қамқорлығынан айрылған балалар. 7 мүгедек бала бюджет тобында білім алады.

2014-2015 оқу жылында колледждің жастар комитетіне арналған қалалық семинарлар өткізілді. ҰОС ардагерлерінің үйіне және «Жастар» паркі мен мешіт аймақтарына сенбіліктер жүргізіліп отырады.

Джансенгиров С.М. өз жұмысын қоғамдық-саяси өмірмен байланыстырып отырады. «Нұр-Отан» ХДП құрылғаннан бері (1999ж. наурыз) қалалық саяси партияның белсенді мүшесі. Серік Максимұлының басқаруымен колледждің өзін-өзі басқару ұйымы қайырымдылық акцияларына белсене қатыса отырып: Талдықорған қаласындағы «Айналайын» балалар үйіне, «Ана үйіне», «Кәмелетке толмағандарды бейімдеу орталығына» қайырымдылық концерттер қойып, сыйлықтар беріп отырады. «Жас Отан» жастар ұйымымен бірге салауатты өмір салтын қорғау сұрақтары бойынша әртүрлі акциялар мен жарыстар ұйымдастырылып тұрады.

«Ардагерлерге құрмет» акциясы бойынша ҰОС ардагерлері мен қарттарға материалдық көмектер көрсетіліп тұрады. ҚР Жеңіс күніне орай ҰОС ардагері Саманов И.И. материалдық көмек көрсетілді. Қалалық маслихаттың депутаты болған кезде Серік Максимұлының қолдауымен денсаулық сақтау саласының жас мамандарына арналған 60 пәтерлі үй тұрғызылды.

«Құрмет» орденінің, Қазақтан Республикасының Тәуелсіздігіне 20 жыл медалінің, «Кәсіби саладағы сіңірген еңбегі үшін» медалінің, «Экономика мақтанышы» орденінің, «ҚР Денсаулық сақтау ісінің үздігі» төс белгісінің иегері.