Адилханова А.С.

ЖШС «Айна-Дән» балабақшасының меңгерушісі

Мен, Адилханова Айнагүл Саметқызы, 1952 жылы 14 желтоқсанда Алматы облысы, Қарасай ауданы, Стаханово (қазіргі Ұлан) ауылында дүниеге келдім.

1969 жылы Қазақ мемлекеттік қыздар педагогикалық институтына оқуға түсіп, оны тәмамдағаннан кейін өзім оқып бітірген Н.К.Крупская атындағы мектебінде орыс тілі мен әдебиеті пәндерінің мұғалімі болып жұмыс істей бастадым.

1988 жылы күйеуімнің жұмысына байланысты, ол заңгер болып жұмыс істейтін, біздің отбасымыз – мен, күйеуім, үш баламыз және менің анам Алматы қаласына көшіп келдік. Алматыдағы № 15 ағылшын тілін тереңдетіп оқытатын мамандандырылған орта мектепте мұғалім болып істей бастадым, бір жылдан соң мен сол мектепке директордың оқу-тәрбие ісі жөніндегі орынбасары болып тағайындалдым. Әрі қарай, мен қалалық мұғалімдерді жетілдіру институтында директордың орынбасары, қалалық халыққа білім беру басқармасында бас маман, Алматы қалалық әкімшілігінде (қазіргі әкімдік) бөлім бастығы қызметтерінде жұмыс жасадым.

Мен Алматы қаласындағы ең үлкен және күрделі мектептердің бірі, дәлірек айтсақ, Самал ықшамауданындағы №131 мектеп-лицейінің директоры болып, мен ең жаңа әдіс-тәсілдерді, теориялық зерттеулерді іс жүзінде қолданудың ізашары болу бақытына ие болдым және мен оны кейін де істеген барлық жұмыс орындарымда қолданып, тәжірибе тараттым. Дәл осы мектепте мен әріптестеріммен бірге балалар және оқытушылар үшін көптеген халықаралық семинарлар, фестивальдар мен тренингтерді өте сәтті өткіздік. Біз дарынды балаларға арналған РО «Дарын» -мен тығыз байланыста жұмыс жасадық. Біз қазақ-түрік класын аштық, Вальфдор педагогикасының жақсы жақтарын қолдандық. Біздің оқушыларымыз көптеген халықаралық олимпиадаларға қатысып, барлық пәндерден барлық номинацияларды жеңіп алатын. Мемлекеттік емтихандар мен ҰБТ нәтижелері бойынша біздің мектеп Алматы қаласында үнемі жетекші орындарды иеленетін.

Қазір біздің түлектеріміз өте табысты және республикамыздың лайықты азаматтары. Балалардың мен ата-аналардың алғысынан басқа, менің еңбегім мемлекет тарапынан да жоғары бағаланып, маған «ҚР білім беру саласындағы құрметті қызметкері» атағын берді.

Ұлан ауылындағы Крупская атындағы мектепте 2008 жылы директор болып тағайындала салысымен, сол ынта мен табандылықпен енгізілген жаңа технолдогиялар мен әдістерін қолдану тек қана Ұлан ауылының ғана емес, бүкіл Қарасай ауданының оқушыларын алғаш рет халықаралық олимпиадаларға, семинарларға, фестивальдарға қатысуына мүмкіндік берді.

Оқушылар университеттерге мемлекеттік гранттармен түсе бастады. Қарасай ауданының мұғалімдері үшін мен педагогикалық тәжірибе алмасу және оқыту әдістемесі бойынша халықаралық семинарлар ұйымдастырдым, онда Ресейдің ең жақсы университеттерінің академиктері мен профессорлары, Финляндиядан келген оқытушылар, біздің қазақстандық жаңашыл ұстаздар спикер ретінде келіп қатысты.

Қазіргі уақытта дәл осындай жұмыс балабақшада және мен зейнетке шыққаннан кейін ашқан «Айна-Дан» үздіксіз білім беру орталығында жалғасын табуда. Әр үйдің тұрақтылығы іргетастың беріктігіне байланысты болатыны сияқты, денсаулық пен болашақ та білімді қабылдаудағы жетістікке, дұрыс тамақтану мен жас кезіңде негізгі білімнің дұрыс ұсынылуына байланысты.

Қазір біздің ұжымымыз бізге үлкен сенім артып отырған ата-аналардың балаларына гүлденген Қазақстанымыздың лайықты азаматтары болуы үшін ең жақсы білім мен тәрбие беруге барлық күшін салуда.