Рамазанов Б. С.

Ақсу ауданының білім бөлімі басшысы

Бөлім басшысы Бегімбек Сейпілмәлікұлы Рамазанов 1964 жылы 2-ші қазан күні Ақсу ауданы, Ойтоған ауылында дүниеге келді. Қ.И.Сәтбаев атындағы орта мектебіне 1971 жылы 1-ші сыныпқа қабылданып, 1981 жылы мектеп табалдырығын аяқтады. 1981-1982 жылдары ПМК-7 де слесарь болып жұмыс жасады. 1982 жылы Өскемен қаласындағы педагогикалық институтының, жаратылыстану факультетінің география-биология мамандығына түсіп 1989 жылы аяқтады. 1983-1985 жылдар аралығында Отан алдында борышын атқарды.

Еңбек жолын 1989 жылы Чапаев атындағы орта мектебіне мұғалім болып орналасып, 1991 жылы директордың тәрбие жұмысы жөніндегі орынбасары қызметін атқарды. 1992-1996, 2001-2003 жылдары Е.Сиқымов атындағы орта мектебінің директорын тәрбие жұмысы жөніндегі орынбасары, 1996-2001 жылдары Е.Сиқымов атындағы орта мектебінің география пәнінің мұғалімі болып жұмыс атқарды.

2003-2008 жылдары аралығында Н.Есеболатов атындағы орта мектебінің директоры, 2008-2015 жылдары Е.Сиқымов атындағы орта мектебінің директоры қызметін атқарды. 2002 жылы облыстық «Жыл мұғалімі» байқауының жүлделі ІІІ орын иегері, 2010 жылы облыстық «Үздік мектеп директоры» байқауының бас жүлде иегері, 9 тамыз 2019 жылы «Қазақстан Республикасының білім беру ісінің құрметті қызметкері» белгісімен марапатталды, 2019 жылы 29 қараша №207 Қазақстан Республикасының Президентінің жарлығымен «Қазақстан Республикасы Құрмет грамотасымен» марапатталды.

2015 жылдан Ақсу ауданының білім бөлімінің басшысы қызметін атқарып келеді.