Сыбанбаев Д.Ә.

ШЖҚ МКК Қарғалы ауылы аймақтық аурухана директоры

Мен, Сыбанбаев Дархан Әріпұлы, 03.08.1973 жылы Алматы облысы, Кеген ауданы, Жалаңаш ауылында дүниеге келдім. 1980 жылы бірінші сыныпқа барып, 1990 жылы Алматы облысы, Еңбекшіқазақ ауданы, Нұра ауылындағы О.Жандосов атындағы орта мектепті үздік бітіріп.

1990 жылы С.Д. Асфендияров  атындағы Алматы мемлекеттік медициналық институтына оқуға түсіп. С.Д.Асфендияров атындағы Қазақ ұлттық медициналық университетін бітірдім. Жалпы медицина мамандығы бойынша 1996-1998 жылдар аралығында С.Д.Асфендияров атындағы ҚазҰМУ клиникалық ординатурасында хирургия мамандығы бойынша оқыдым. 1998 жылдан бастап 2020 шы жылдың тамыз айына дейін мен Алматы көпсалалы клиникалық ауруханасында жұмыс атқардым, 1998 жылдан бастап 2007 жылға дейін хирургия бөлімінің резидент-дәрігері болып жұмыс істедім, ультрадыбыстық кабинеттің дәрігері, 2007 жылдан 2008 жылға дейін сәулелік диагностика бөлімінің меңгерушісі, 2008 жылдан 2020 жылға дейін «Алматы көпсалалы клиникалық ауруханасы» ШЖҚ МКК директорының емдеу жұмысы жөніндегі орынбасары лауазымында.

2020 жылдың тамыз айынан бастап ШЖҚ Қарғалы ауылының Аудандық ауруханасы МКК-на бас дәрігер болып тағайындалдым.

2009 жылы «Жаралы пилородуоденальды стенозды хирургиялық емдеу тактикасын таңдау кезіндегі клиникалық және ультрадыбыстық бақылау» тақырыбында кандидаттық диссертациясын қорғады.

Жоғары санатты хирург, жоғары санатты денсаулық сақтау саласының менеджері. 2018жылы Денсаулық сақтау үздігін алған.

Үйленген, 3 бала тәрбиелейді.