Исаева А. Ж.

Қарасай аудандық «Заман жаршысы» газетінің директор-бас редакторы

Исаева Атлана Жанатқызы 1976 жылы Алматы облысы Қаскелең қаласында туған.1998 жылы әл-Фараби атындағы Қазақ ұлттық университетінің журналистика факультетін бітірген. Еңбек жолын 1998 жылы Қарасай аудандық қоғамдық-саяси «Заман жаршысы» газетінде корректорлықтан бастаған.  Мұнан кейін 2010 жылға дейін осы жерде тілші, жаңалықтар пен ақпарат бөлімінің меңгерушісі, бас редактордың міндетін атқарушы, бас редактордың орынбасары болып істеген. Сонымен қатар, «Нұр Отан» партиясы Қарасай аудандық филиалы жанындағы «Жас Отан» жастар қанатының көшбасшысы болған. 2010-2014 жылдары аталған басылымда бөлім меңгерушісі,  «Ар-Ойл» ЖШС мұнай және мұнай өнімдері департаментінің бас менеджері және «Каз-Диа-Тест» ЖШС бас директордың әкімшіліктендіру  жөніндегі орынбасары қызметін атқарған. 2014 жылдан бері осы, атап айтқанда, Қарасай аудандық «Заман жаршысы» газетінің директор-бас редакторы. Атлана Исаева Қазақстан Журналистер одағының және Қазақстан іскер әйелдер қауымдастығының мүшесі. Қарасай  аудандық мәслихатының депутаты, мәслихаттың халықты әлеуметтік қорғау, жұмыспен қамту, білім, денсаулық сақтау, мәдениет, тілдерді дамыту және спорт жөніндегі тұрақты комиссиясының және «Нұр Отан» партиясы  Қарасай аудандық филиалындағы партиялық бақылау комиссиясының төрайымы. «Нұр Отан» партиясы Қарасай  аудандық филиалы саяси кеңесінің мүшесі. Қазақстан іскер әйелдері қауымдастығының мүшесі. «Нұр Отан» партиясы  саяси менеджмент мектебінің барлық деңгейдегі мәслихаттардағы партия фракциясының депутаттарына арналған оқу циклін табысты аяқтағанын үшін сертификатпен куәландырылған. Атлана Исаева «Шапағат», Қазақстан Республикасы Тәуелсіздігінің 25 жылдығы, Қазақстан Республикасы Конституциясының 25 жылдығы, жергілікті әскери басқару органдарының құрылғанына 100 жыл толуына орай, сондай-ақ, «Қазақстан мәслихаттарына 25 жыл» мерекелік медальдарымен наградталған. «Ақпарат саласының үздігі» төсбелгісінің иегері, Атлана Исаева Қазақстан Республикасы Президенті Алғыс 

хатымен, Алматы облысының әкімі мен Қарасай ауданының әкімінің Құрмет грамоталарымен, «Нұр Отан» партиясы Алматы облыстық филиалы мен Қарасай аудандық филиалының Алғыс хаттарымен марапатталған.