Кегенбаева Н. М.

Ақшатоған ауылындағы №5 орта мектеп директоры

«Алматы облысы  білім басқармасының Көксу ауданы бойынша  білім  бөлімі» мемлекеттік мекемесінің «Мектеп жанындағы  шағын орталығы бар №5 орта мектебі» коммуналдық мемлекеттік мекемесінің директоры.

1963 жылы 4 қарашада Алматы облысы, Кеген ауданы , Қарқара совхозында  қарапайым  отбасында  дүниеге  келген.

1985 жылы С.М.Киров атындағы Қазақ мемлекеттік университетінің химия факультетін , 2002 жылы  І.Жансугіров атындағы «Жетісу мемлекеттік университетінің филология  факультетін  бітірген.

Еңбек жолы

Еңбек жолын Көксу ауданы, Ақын Қабан жырау атындағы орта мектебінде мұғалім болып бастаған. 1989-1997 жылдар аралығында Балпық би ауылындағы «Алпамыс» балабақшасында тәрбиеші қызметін атқарған. 1997- 2017 жылдар аралығында осы ауылдағы  «Биғайша Құндақбаева атындағы №1 орта мектепте» мұғалім, оның ішінде 2002-2015 жылдар аралығында директордың тәрбие ісі жөніндегі орынбасары, 2015-2017 жылдар аралығында директордың оқу ісі жөніндегі орынбасары қызметін атқарған.

2017 жылдың 27 қыркүйегінен бүгінгі күнге дейін Ақшатоған ауылындағы №5 орта мектеп директоры қызметін атқарып келеді.

Отбасы жағдайы

Тұрмыста. Екі қыз,бір ұл тәрбиелеген. Немерелері бар. Үлкен қызы анасының  жолын қуған – ұстаз.