Нуртазаева К.Т.

Нұр-Бағым бөбекжай-балабақша ЖШС Жетекшісі

Нуртазаева Карашаш Турсыналиевна 1960 жылы 2 шілдеде Шардара қаласында дүниеге келген. 1982 жылы ОҚО, Шымкент қаласындағы Педагогикалық институтын «Математика» мамандығы бойыншы бітірген. Еңбек жолын  Шардара қаласында  мұғалима болудан бастаған. Еңбек жолын 1986 жылы Жетісай қаласындағы  Ш.Уәлиханов атындағы мектептің жоғарғы санатты мұғалімі болып жалғастырды. 1994 жылдан бастап жеке кәсіпкерлікпен айналысты. 2013 жылы типтік үлгіде «Нұр-Жібек» бөбекжай-балабақшасы»  200 орынды салып, балабақша   құрылтайшысы және меңгерушісі қызметін атқарды.

Бүгінгі таңдағы жеткен жетістіктері мен марапаттары: Мақтаарал аудандық білім бөлімінің  Алғыс хаты, 2015жылы Оңтүстік Қазақстан облысы Мақтаарал ауданында өткізілген  ІV- кәсіпкерлер форумында Мақтаарал ауданының гүлденуі мен экономикасының өркендеуіне және кәсіпкерлік саласын дамытуда қосқан еңбегі үшін «Жылдың үздік қызмет көрсету саласының кәсіпкері» дипломымен және «Жетісай қаласының дамуына қосқан» үлесі үшін әкім орденімен марапатталған. 2017 жылы Қазақстан Республикасы  Білім және ғылым министрі Е.Сағадиевтің Құрмет грамотасымен марапатталды.

Баспасөз беттерінде жарық көрген сұхбаттары мен еңбектері:  2016 жылы  наурыз айында «Ұрпақ тәрбиесі-ұлт тағдыры» тақырыбында тілші Әсем Орынбасарға берген сұхбаты  «Начальник+7» Республикалық қоғамдық-ақпараттық журналында  жарияланды.  2016  жылы  «ұлы QAZAQ елі»  №1 іскерлік журналына «Тынбай еңбек еткен ғана табысқа жетеді» тақырыбында Тілші Тоғжан Жанатбекке сұхбат берді.  Егемендігіміздің 25 жылдығы қарсаңында жарық көрген «Тәуелсіздіктің ақ таңымен бірге Қазақстанға 25 жыл» энциклопедиялық кітабына енді. 2017 жылы  елдегі ең белсенді, ең ықпалды, ең білікті, ең құрметті азаматтарды іріктеген  «EXPO -2017: Қазақстанның құрметті азаматтары»  үш тілдік (қазақша,орысша, ағылшынша) энциклопедиясы көлемі 408 бетті  кітабына енді. 2019 жылы «BIRINSHI» латын қарпіндегі жалпыұлттық рейтингтік энциклопедиясына  енді.

Отбасы:  2015 жылы Алланың қалауымен Қажылыққа барып қайтқан  Қажы Қарашаш Тұрсынәліқызы  3 перзенттің анасы,7 немеренің әжесі. Өнегелі, өсіп-өнген отбасының ақ жаулық батыр анасы