Құрметті «Ашық диалог» порталының оқырмандары!

«Даму»  кәсіпкерлікті дамыту қоры — Қазақстанның микро-, шағын және орта бизнес (ШОБ) кәсіпорындарын қолдау саласындағы негізгі қаржылық даму институты. Ол 1997 жылы Қазақстан Республикасы Үкіметінің Қаулысымен құрылған.

«Даму» қорының негізгі мақсаты – қаржылай қолдау көрсету арқылы Қазақстандағы жеке кәсіпкерліктің сапалы дамуына жәрдемдесу. Даму институты кәсіпкерлер үшін мемлекеттік қолдаудың кең түрін ұсынады. Олар: банк, микроқаржы ұйымдары және лизинг компаниялары арқылы несиелеу бағдарламалары аясында қаржыландыру, банк несиесінің сыйақы мөлшерлемелесін субсидиялау, несиеге кепілдік беру, консультация және ақпараттық-талдау материалдарын дайындау.

«Даму» Қоры жүзеге асыратын мемлекеттік қолдау бағдарламаларының ішіндегі ең танымалы – «Бизнестің жол картасы-2025» және «Қарапайым заттар экономикасы». Олар тиімділігін дәлелдеп, Қазақстан экономикасына оң әлеуметтік-экономикалық әсерін көрсетті және мұны Қазақстан Республикасының Президенті Қасым-Жомарт Тоқаев Жолдауында атап өтті.

 «Даму» Қорының сайтында микро, шағын және орта кәсіпкерлікті мемлекеттік қолдау туралы толық ақпарат берілген.

 

Құрметпен,

«Даму» кәсіпкерлікті дамыту қоры» АҚ

Басқарма төрайымы                                                    Гаухар Бурибаева.