Сіздерді Ашық Үкімет блогындағы жеке парақшамда көргеніме қуаныштымын!

Қазақстанның даму банкі «Бәйтерек» ұлттық басқарушы холдингінің құрылымына кіреді және 2001 жылы инфрақұрылымды және өнеркәсіптің шикізаттық емес секторларын дамыту жөніндегі мемлекеттің қаржы институты ретінде құрылды.

Банк орта және ірі бизнесті қаржыландыруға және дамытуға маманданған – ол Қазақстан аумағындағы ауқымды инфрақұрылымдық және өнеркәсіптік объектілер, отандық экономиканың локомотивтері, елдің отандық шикізаттық емес және экспорттық әлеуетін құрайтын кәсіпорындар. Банк жобалары шағын және орта бизнестің ілеспе кәсіпорындарын құруға, жаңа жұмыс орындарының пайда болуына, бюджетке салық аударымдарының ұлғаюына және экспорттың дамуына ықпал ете отырып, мультипликативтік әсерге ие.

Осы ашық алаң сіздермен сындарлы диалог құруға мүмкіндік беретініне және блог коммуникация мен жемісті ынтымақтастықтың тиімді құралына айналатынына сенімдімін!

Құрметпен, «Қазақстанның Даму Банкі» АҚ Басқарма төрағасы Марат Елібаев