Ердембеков Б.А.

«Семей қаласының Шәкәрім атындағы университеті» КеАҚ Басқарма төрағасы – Ректоры

Ердембеков Бауыржан Аманкелдіұлы

1974 жылы Шығыс Қазақстан облысы Семей қаласында дүниеге келген.

1992-1996 жылдар аралығында «Семей» мемлекеттік университетінің «Қазақ тілі мен әдебиеті» мамандығы бойынша оқып, оны үздік тәмамдап, аспирантурада оқуын жалғастырды. Кейіннен өзі оқыған жоғарғы оқу орнында оқытушы болып қызмет атқарды.

2001-2011 жылдар аралығында М. Әуезов атындағы Семей университетінің деканы, содан кейін проректоры, Семей мемлекеттік педагогикалық институтының деканы болды.

2011-2012 жылдары Л.Н.Гумилев атындағы Еуразия ұлттық университетінде қазақ әдебиеті кафедрасының меңгерушісі қызметін атқарды.

2012-2017 жылдары С. Аманжолов атындағы Шығыс Қазақстан мемлекеттік университетінің проректоры болды.

2017-2021 жылдары Қ. Жұбанов атындағы Ақтөбе өңірлік мемлекеттік университетінің ректоры қызметін атқарды.

2021 жылдың 01 ақпанында «Семей қаласының Шәкәрім атындағы университеті» КеАҚ Басқарма төрағасы – Ректоры болып тағайындалды.