Сыдықов Е.Б.

Л.Н. Гумилев атындағы Еуразия ұлттық университетінің Басқарма төрағасы - ректоры

Сыдықов Е.Б., 1956 жылы туған, қазақ, 1978 жылы С.М. Киров атындағы Қазақ мемлекеттік университетін үздік бітірген, тарих ғылымдарының докторы, профессор, академик, ҚР Ұлттық ғылым академиясының вице-президенті. 

Қазақстан Республикасының жоғары білім жүйесінде стажер-зерттеушіден жоғары оқу орнының басшысына дейінгі жолды жүріп өтті.

1997-2011 жж. – Шәкәрім атындағы Семей мемлекеттік университетінің және Семей мемлекеттік педагогикалық институтының ректоры.

2011 жылғы 26 шілдеде Қазақстан Республикасының Президенті Н.Ә. Назарбаевтың Жарлығымен Л.Н. Гумилев атындағы Еуразия ұлттық университетінің ректоры болып тағайындалды.

«Нұр Отан» партиясы Саяси кеңесінің мүшесі.

Қазақстан Президенттігіне Үміткер Н.Ә. Назарбаевтың Шығыс Қазақстан облысы бойынша қоғамдық штабының басшысы (2011 ж.), Қазақстан Президенттігіне Үміткер Н.Ә. Назарбаевтың Республикалық қоғамдық штабының мүшесі (2015 ж.). 

Еуразиялық университеттер қауымдастығының вице-президенті, Қазақстан Республикасы Жоғары оқу орындары Ректорлары кеңесінің төрағасы, Азия университеттері қауымдастығының президенті болып табылады.

20-дан астам монография, 300-ге жуық ғылыми және әдістемелік мақала, 4 оқу құралының авторы.

2016 жылдан бастап – «Астана ЭКСПО-2017» ұлттық компаниясы» АҚ Қоғамдық кеңесінің төрағасы.

Астана қаласы мәслихатының V, VI  және VII шақырылым депутаты.

Шығыс Қазақстан облысының Құрметті азаматы.

«Қазақстанның еңбек сіңірген қайраткері» атағының иегері (2005 ж.), «Парасат» (2010 ж.) және ІІ дәрежелі «Барыс» (2015 ж.) ордендерімен, медальдармен марапатталған. 

Отбасылы, үш баласы және бес немересі бар.