Сәрсен Аманжолов атындағы Шығыс Қазақстан университеті басқарма төрағасы-ректорының жеке блогына қош келдіңіздер!

 

"Достар, біздің университеттің өмірі бірегей іс-әрекеттерге толы, өйткені, біз нақты нәтижелерге қол жеткізуге талпынамыз! Мәселен, біздің ЖОО еліміздің басқа университеттері арасында түлектердің жұмысқа орналасу көрсеткіші бойынша көш бастап тұр. Соңғы үш жылда студенттер саны 2,5 есеге артып, сегіз мың адамды құрады. ШҚО-ның ірі кәсіпорындары - "ТМК" АҚ, "Қазмырыш" АҚ, "ҮМЗ" АҚ, "KAZ Minerals" АҚ-мен тығыз ынтымақтастықта жұмыс істейді. Ғылымды қаржыландыру 2018 жылмен салыстырғанда 13 есеге артып, 1 млрд 400 млн теңгені құрады.

Сондай–ақ, оқу орын қабырғасында жаңа цифрлық және виртуалды зертханалар, заманауи мультимедиялық студия қолданысқа беріліп, жоғары жылдамдықты Wi-Fi бар интерактивті тақталы әмбебап аудиториялар желісі құрылуда. Дарынды және талантты оқушыларды қолдау үшін 2018 жылдан бастап Абай Құнанбайұлы мен Сәрсен Аманжолов стипендиялары, сондай-ақ Абай, Ахмет Байтұрсынов, Құмаш Нұрғалиев және Қанипа Бітібаева атындағы гранттар енгізілді. "Білікті маман" бірегей өңірлік бағдарламасының арқасында ШҚО мектеп түлектеріне жергілікті бюджет есебінен арнайы гранттар бөлінеді. 

Құрметті түлектер, студенттер, ата-аналар және оқытушылар! Осы диалогтық алаң аясында Сіздер өздеріңізді толғандырған сауалдарыңызды қойып, мәселелеріңізді жолдап, түрлі сұрақтар бойынша пікір, тілектеріңізбен бөлісе аласыздар.

Сіздер жіберген әр хат мұқият оқылып, жеке-жеке қарастырылатын болады"

 

Құрметпен,

Мұхтар Төлеген, "Сәрсен Аманжолов атындағы Шығыс Қазақстан университеті" КЕ АҚ басқарма төрағасы-ректор