Билялов Д.Н.

«Абай атындағы ҚазҰПУ» КеАҚ Басқарма төрағасы- ректоры

Дархан Нұрланұлы Біләлов - PhD докторы, «Абай атындағы ҚазҰПУ» КеАҚ Басқарма төрағасы- ректоры

Д.Н. Біләлов 1984 жылы Семей қаласында (ШҚО) дүниеге келген.

Л.Н.Гумилев атындағы ЕҰУ, АҚШ-тың Солтүстік-Батыс университетін (Northwestern University), Пенсильвания мемлекеттік университетін (Pennsylvania State University) бітірген.

Назарбаев Университетінің «Талап» профессор-оқытушылар құрамын дамыту бағдарламасының және «Болашақ» президенттік бағдарламасының стипендиаты. Д.Н. Біләлов оқыған бағдарлама АҚШ-тағы ең танымал U.S. News & World Report университеттер рейтингісінде екінші орында.

Дархан Біләлов отандық және халықаралық білім берудің әртүрлі аспектілерін зерттеген, 2004 жылдан бастап ғылыми және басқа да жобаларға қатысқан.

Дүниежүзілік Банк, БҰҰ Даму бағдарламасы, ҚР Білім және ғылым министрлігінің Биотехнология орталығы сияқты ұйымдарда, сондай-ақ Американың екі университетінде: Солтүстік-Батыс университеті және Пенсильвания мемлекеттік университетінде жұмыс істеді. Соңғы 10 жылда әкімшілік қызметтерде болған және Назарбаев Университетінде сабақ берді. 2021 жылдың маусым айынан бастап «Абай атындағы ҚазҰПУ» КеАҚ Басқарма төрағасы-ректоры.

Доктор Д. Біләловтың қылыми қызығушылықтары жоғары білімді басқару мәселелерін қамтиды: факультет (ұтқырлық, халықаралық деңгей, өнімділік); интернационализация; әлемдік деңгейдегі университеттердің қызметі; жоғары білім берудегі ұйымдастырушылық өзгерістер. Ғылыми және талдамалы еңбектердің авторы.

2015-2020 жылдар аралығында Қазақстандағы білім реформасының стратегиялық бағыттарын әзірлеу бойынша жобаны үйлестіруге қатысты («Білім беруді дамытудың жол картасы» жобасы).

15 жылдан астам уақыт бойы ол қазақстандық білім берудің әр түрлі аспектілерін жетілдіру бойынша жұмыс жасады. Дүниежүзілік банк, БҰҰ Даму бағдарламасы, Еуропалық комиссия, ЮНЕСКО, ЕҚДБ және ҚР үкіметі қаржыландыратын жобаларға қатысты. PI (Principal Investigator) ретінде «Білім қоғамындағы академиялық мамандық» халықаралық жобасы аясында профессор-оқытушылар құрамының жалпыұлттық сауалнамалық зерттеуін, Нұр-сұлтан қаласы мұғалімдерінің білім беру реформаларына дайындығын, ТжКБ педагогтері мен мектеп мұғалімдерін салыстырмалы зерттеуді қоса алғанда бірқатар жобаларда жұмыс жасаған.