Ибатов М.К.

«Қарағанды техникалық университеті» КЕАҚ Басқарма төрағасы – Ректоры

1961 жылы Қарағанды қаласында туған. 1983 жылы Мәскеу автомобиль-жол институтын (МАЖИ) «Автомобиль және автомобиль шаруашылығы» мамандығы бойынша үздік бітірген.

МАЖИ-ді 1983 жылы бітіргеннен кейін Қарағанды политехникалық институтына жұмысқа жіберілді, онда аға инженер, кіші ғылыми қызметкер, зерттеуші-стажер лауазымдарында жұмыс атқарды.

1991 жылы  Мәскеу автомобиль-жол институтында  ғылым кандидаты ғылыми дәрежесін алу үшін диссертация қорғады.

1991 жылдан бастап Қарағанды политехникалық институтында (қазіргі Қарағанды мемлекеттік техникалық университеті – ҚарМТУ) ассистент, аға оқытушы, доцент, профессор қызметтерінде жұмыс атқарды. 1997-2007 жылдар аралығында көлік-жол факультетінің деканы лауазымында болды.

2003 жылы докторлық диссертация қорғады, 2005 жылы ҚР БҒМ БҒСБК шешімімен профессор ғылыми атағын алды.

2007-2008 жж. ҚарМТУ оқу ісі жөніндегі проректоры, 2008-2011 жж. ҚарМТУ кафедра меңгерушісі болып жұмыс істеді. 2011 жылдан 2012 жылға дейін – ҚарМТУ бірінші проректоры.

2012 - 2016 жылдар аралығында – Қарағанды мемлекеттік  индустриялық университетінің ректоры.

20.12.2016 ж. Қарағанды мемлекеттік техникалық университетінің ректоры болып тағайындалды.

29.06.2020 ж. бастап – «Қарағанды техникалық университеті» КЕ АҚ Басқарма Төрағасы-Ректоры.

Қарағанды облыстық мәслихатының VI және VII шақырылымдарының депутаты болып сайланды.

ҚР ҰЖТҒА академигі (2018 ж.), ҚР ҰИА академигі (2019 ж.), тау-кен ғылымдары Академиясының (РФ) шетелдік мүшесі және ҚР ҰҒА құрметті академигі (2021 ж.) болып сайланды.

«Құрмет» орденімен және «Ерен еңбегі үшін», «10 жыл Астана», «Қазақстан халқы Ассамблеясына 20 жыл», «Қазақстан Республикасының Тәуелсіздігіне 25 жыл», «Қазақстан халқы Ассамблеясына 25 жыл», «Қазақстан Конституциясына 20 жыл», «Қазақстан Конституциясына 25 жыл», «20 жыл Астана» медальдарымен, «Қазақстан Республикасының Білім беру ісінің құрметті қызметкері», «Белсенді қызметі үшін» «Нұр Отан» ХДП төсбелгілерімен, III дәрежелі «Еңбек Даңқы», ҚР жоғары оқу орындары қауымдастығының «А. Байтұрсынов атындағы» алтын медалімен марапатталған.

2020 жылы әл-Фараби атындағы ҚР Ғылым және техника саласындағы мемлекеттік сыйлығының лауреаты төсбелгісімен марапатталған.