Алшанов Р.А.

"Тұран" университетінің ректоры

Алшанов Рахман Алшанұлы

Экономика ғылымдарының докторы, профессор, «Тұран» университетінің ректоры, Қазақстан Республикасы жоғары оқу орындары Қауымдастығының президенті, Қазақстан Республикасы Ұлттық инженерлік академиясының вице-президенті, Қазақстан Республикасы білім және ғылым Министрлігінің алқа мүшесі.

1947 жылы Жамбыл облысында дүниеге келген. 1974 ж. С.М. Киров атындағы Қазақ мемлекеттік университетін «экономист, саяси экономия оқытушысы» біліктілігі бойынша бітірген.

Еңбек қызметі

• 1965—1969 — бастауыш сынып мұғалімі, Шу қант зауытының центрифугашысы, кассир, Көктерек кеңшарлардың жұмысшы кооперативі нұсқаушысы, әскерде қызмет еткен

• 1969—1974 — Қазақ мемлекеттік университетінің студенті

•1973—1988 — комсомол Комитетінің хатшысы, аға оқытушы, партия комитеті хатшысының орынбасары, доцент, аға ғылыми қызметкер, ҚазМУ философия-экономика факультетінің деканы

• 1974—1978 — Қазақстан ЛКЖО Орталық Комитетінің мүшесі

• 1988—1992 — Республикалық мәдениет қызметкерлерінің біліктілігін арттыру институтының ректоры

• 1991—1994 — Қазақстан мәдениет қызметкерлері шығармашылық одағының төрағасы

• 1992—1993 — Қазақстан ғылым Академиясының сыртқы экономика Орталығы директорының орынбасары

• 1992—қазіргі уақытқа дейін— «Тұран» университетінің ректоры

• 1996—2002 — әл-Фараби атындағы Қазақ мемлекеттік ұлттық университетінің қамқоршылар Кеңесі мүшесі

• 1999—2001 — Қазақстан Республикасы білім беру мекемелері Қауымдастығының президенті

• 2000—қазіргі уақытқа дейін — Халықаралық қоғамдық туризм академиясының президенті

• 2000—2006 — Қазақстан Республикасы Үкіметінің жанындағы жастар ісі жөніндегі Кеңестің мүшесі

• 2001— қазіргі уақытқа дейін — Қазақстан Республикасы жоғары оқу орындары Қауымдастығының президенті

• 2002—2006 — «Отан» партиясы Саяси кеңесінің мүшесі

• 2011 — ҚР Президенттігіне кандидат Н.Ә. Назарбаевтың Алматы қалалық қоғамдық штабының жетекшісі

• 2011—2016 — «Нұр Отан» партиясы Алматы қалалық филиалы жанындағы сыбайлас жемқорлыққа қарсы күрес жөніндегі Қоғамдық кеңестің төрағасы

• 2012— 2020 — Алматы қалалық мәслихатының депутаты

• 2015 — Қазақстан Республикасы Президенттігіне кандидат Н.Ә. Назарбаевтың Алматы қалалық қоғамдық штабының жетекшісі

• 2015 — қазіргі уақытқа дейін — Қазақстан Республикасы Ұлттық инженерлік академиясының вице-президенті

• 2015 — қазіргі уақытқа дейін — Қазақстан экономикалық ғылымдар Академиясының президенті

• 2016— қазіргі уақытқа дейін — Алматы қаласы Қоғамдық кеңесінің төрағасы

• 2016—2017 — «Altyn Bank» АҚ директорлар кеңесінің мүшесі, тәуелсіз директоры

• Қазақстан Республикасы премьер-министрі жанындағы экономикалық кеңесшілер Кеңесінің мүшесі

• Қазақстан Республикасы білім және ғылым Министрлігінің алқа мүшесі.