Аязбаева Р.А.

«М.Тынышпаев атындағы Алматы облыстық тарихи-өлкетану музейі» директоры

Аязбаева Рысжан Әбсеметқызы

1963 жылы 27 желтоқсанда Талдықорған облысы Кербұлақ ауданы Архарлы ауылында дүниеге келді. Ұлты – қазақ. Білімі жоғары. 1980 жылы Кербұлақ ауданындағы Сарыбастау орта мектебін бітірген. Өзінің еңбек жолын 1980-1981 жылдары аралығында Архарлы ауылында Қызыл отауда кітапханашы болып бастаған. 1981 жылы Қ.Байсейітов атындағы музыка училищесіне түсіп, 1985 жылы аталған училищені музыка мамандығы бойынша бітірді. 1985 жылы Қазақтың мемлекеттік Қыздар педагогикалық институтына түсіп, 1989 жылы аталған институтты музыка мамандығы бойынша бітірген.

1989-1991 жылдар аралығында Қарашоқы ауылындағы балалар музыка мектебінде мұғалім болып жұмыс жасап, фортепиано класы бойынша сабақ берді.

1998 жылдан бастап мәдениет саласында қызмет етіп келеді. 2003-2005 жж І.Жансүгіров атындағы облыстық мәдениет сарайында көркемдік жетекші қызметін атқарды.

2005 жылдың 10 маусым айында Алматы облыстық халық шығармашылығы орталығының әдіскерлік бөлім меңгеруші қызметіне қабылданып, облыс музейлерінің жұмысына жетекшілік етті. Бөлім меңгерушісінен директордың музейлер ісі жөніндегі орынбасары қызметіне дейін өсті.

2016 жылдың 11 қарашасынан бастап «М.Тынышпаев атындағы Алматы облыстық тарихи-өлкетану музейі» директоры болып тағайындалды.