Қайырлы күн!

Мен шаруашылық жүргізу құқығындағы «Алакөл аудандық орталық ауруханасы» мемлекеттік коммуналдық кәсіпорны директорымын. Аудандық орталық аурухананың басты миссиясы халыққа жоғарғы сапалы медициналық көмек көрсету, өңірдегі халықтың хал-ахуалын бағамдап, дендерінің саулығын бақылау. Сонымен қатар, түрлі сырқаттардың алдын алып, тұрғындардың салауатты өмір сүруін қамтамасыз ету. Бұл бағытта жоспарлы жұмыстар өз жүйесімен атқарылып, ауқымды шаралар да көзделген. 2020 жыл бойына дәрігерлерге 369811 адам қаралды, 7440 ем алды,  скринингтен 48995 адам қамтылды.

Қазіргі таңда мемлекет тарапынан денсаулық сақтау саласына көрсетіліп жатқан көмек те мол. Жыл сайын түрлі құрылғылар алып, техникалық базамызды да жаңартып отырмыз. Бұдан бөлек ауданның атпал азаматтары да демеушілік жасап, пандемия кезінде талай қолғабыс етті.

Біздің міндет – халыққа сапалы әрі қолжетімді қызмет көрсету. Бұл жолда бар күш-жігерімізді сарп етіп, адал әрі әділ еңбектене бермекпіз.