Ким В.Ф.

«Жетісу Су құбыры» МКК директоры

Ким Валерий Федорович

Туған жері – Жамбыл қаласы, ҚР

Туған жылы – 1955 жылы 19 ақпан

Жұмыс орны – Шаруашылық жүргізу құқығындағы «Жетісу Су құбыры» қалалық мемлекеттік коммуналдық кәсіпорны.

Лауазымы – директор

1960 жылы Талдықорған қаласына көшіп келді. 1972 жылы Ленин атындағы №2 орта мектепті бітіріп, сол жылы №2 Үйбасқармасы темір ұста болып жұмысқа орналасты. 1973 жылдан 1975 жылға дейін Семей қаласында  Совет Әскері қатарында әскери борышын өтеп, сержант атағын алды.

1976 жылы Томск қаласындағы Томск инженерлі-құрылыс институтының «Сумен жабдықтау және кәріз» факультетіне инженер-құрылысшы мамандығына түсті.

Институтты аяқтағаннан кейін 1982 жылы Талдықорған облыстық Су құбыры басқармасына техникалық қадағалау инженері болып орналасты, 1984 жылдан бастап су құбыры-кәрізді желілері мен құрылыстарының басшысы болды, 1994 жылы басшының орынбасары болып тағайындалды, 2000 жылдан 2003 жылға дейін «Су құбыры» ҚМК директоры, ал 2003 жылы Алматы облыстық «Жетісу Су құбыры» мемлекеттік коммуналдық кәсіпорнының құрылуына байланысты осы кәсіпорынның директоры болып тағайындалды. Облыстың аудандық су құбырларына жетекші болды.

2008 жылдан бастап облыстың құрылымдық су құбырларының жергілікті атқарушы органдарға өтуіне байланысты Талдықорған қаласының «Жетісу Су құбыры» қалалық мемлекеттік коммуналдық кәсіпорнын басқарды.

2005 жылы жұмыс кезеңінде құқықтану факультеті бойынша Алматы қаласының Қазақ еңбек және әлеуметтік қатынастар Академиясын бітірді, мамандығы  заңгер.

Республикалық «Нұр Отан» партиясының мүшесі.

Қалалық мәслихаттың үш шақырылымының депутаты.

Талдықорған қаласының құрметті азаматы.

ҚР тұрғын үй-коммуналдық шаруашылығының құрметті қызметкері.

Қызмет бағалануы:

2001 жылы «Қазақстан Республикасының тәуелсіздігіне 10 жыл» медалі

2005 жылы «Қазақстан Конституциясына 10 жыл» медалі

2007 жылы Қазақстан Су Арнасы Ассоциациясының  төс белгісі

2011 жылы ҚР тәуелсіздігіне 20 жыл медалі

2012 жылы «Құрмет белгісі» медалі

2015 жылы ҚР мәслихатына 20 жыл  төс белгісі

2017 жылы «Еңбек ері» медалі

2019 жылы «Құрмет» ордені

Сонымен қатар, республикалық, облыстық және қалалық маңызы бар көптеген құрмет грамоталары мен алғыс хаттары бар.

Отбасы жағдайы – үйленген, қызы, немересі бар.