Жанадилов М.Б.

«Өлке тынысы» ЖШС директоры

Жанадилов Мейрам Базарұлы «Өлке тынысы» ЖШС директоры

1959 жылғы 1 мамырда Ақмола облысы, Еңбекшілдер ауданы, Құдықағаш ауылында туған.

1976 жылы Степняк қаласындағы қазақ орта мектебін бітіріп, сол жылы Қарағанды педагогикалық дене тәрбиесі инстиутына түседі. Осы  жоғарғы оқу орнынан 1980 жылы дене тәрбиесінің мұғалімі мамандығын алып шығады.

1995 жылы Әл-Фараби атындағы ҚазМУ –дің журналистика факультетін, 2004-2006 жылдары Тараз қаласындағы «Әулие – Ата» университетінің қазақ әдебиеті  факультетін бітірген.

Еңбек жолын 1980 жылы Қарағанды облыстық телевизиясында редактор болып бастаған.

1984- 2001 жылдары  Қазақ телевизиясында редактор, комментатор, бөлім меңгерушісі, Бас редактор болған.

2001- 2006 жылдары Жамбыл облысы әкімі баспасөз қызметінің жетекшісі.

2006- 2009 жылдары «Қазақстан»  Ұлттық арнасының Алматы облысындағы меншікті тілшісі,

2009 жылы Алматы облыстық «Жетісу» телекомпаниясы Бас директорының бірінші орынбасары.

2012 жылы «Жетісу» телеарнасы ЖШС директоры.

2014 жылдың  қараша айынан осы уақытқа дейін Алматы облыстық «Жетісу» және «Огни Алатау» газеттерін басқаратын  «Өлке тынысы» ЖШС директоры.

 «Ерен еңбегі үшін» және басқа мерекелік медальдармен марапатталған.  Қазақстанның құрметті журналисі, Қазақстан журналистикасының қайраткері, Ақпарат саласының үздігі, Алматы облысының Құрметті азаматы.