Мұқаш Қуанышбек Жақсыбекұлы

Бас директор

Қуанышбек Жақсыбекұлы Мұқаш

1985 жылғы 28 сәуірде туған

«Қайтарылған активтерді басқару компаниясы» ЖШС бас директоры

2005 жылы Е.А. Бөкетов атындағы Қарағанды мемлекеттік университетін «Құқықтану» мамандығы бойынша бітірген, 2008 жылы Қарағанды экономикалық университетін заңтану магистрі дәрежесімен тәмамдаған.

Еңбек жолын 2006 жылы бастап, 2015 жылға дейін Қарағанды облысы мен Астана қаласының прокуратура органдарында жұмыс істеді. Сондай-ақ Қазақстан Республикасының Бас прокуратурасында Кәсіпкерлік туралы заңдардың қолданылуын қадағалау жөніндегі бөлімнің бастығы лауазымында қызмет атқарды.

Бұдан кейінгі жылдарда бірнеше жеке компанияны басқарып, кәсіпкерлік саласында үлкен тәжірибе жинақтады.

2021-2023 жылдары — «Атамекен» ҚР ҰКП басқарушы директоры. Осы уақыт аралығында Қазақстан кәсіпкерлерінің құқықтарын қорғау жөніндегі уәкіл аппаратының басшысы қызметін қоса атқарды.

2024 жылғы 14 маусымда «Қайтарылған активтерді басқару компаниясы» ЖШС Бас директоры болып тағайындалды.

«Республика» саяси партиясының мүшесі. 2023 жылғы сайлауда Қазақстан Республикасы Парламенті Мәжілісінің депутаттығына партиядан кандидат болды.

Қоғамдық қызметі: 

* ҚР Есту қабілеті бұзылған (сурдо) спортшылар арасындағы дзюдо күресі федерациясының президенті.

* 2023 жылдан бері Ұлттық Сурдлимпиада комитетінің вице-президенті.