Құрметті сайт қолданушылары!

Сіздермен Қарағанды облысы әкімінің жеке блогында қауышып отырғаныма өте қуаныштымын!

Әлбетте, еліміздегі ең ірі аймақтардың бірінен саналатын Қарағанды облысының әрбір тұрғынының өтініш-тілектерін тыңдап, мүмкіндігінше көмек көрсету – бұл менің ең басты міндетім.

Қазіргі заманғы ақпараттық технологиялардың көмегімен, оның ішінде ғаламтордағы жеке блог негізінде тікелей қарым-қатынас орнату арқылы көптеген көкейкесті мәселелерді дер кезінде шешуге болады.

Сондықтан сіздерді толғандырып жүрген кез-келген мәселе бойынша ұсыныс-пікірлеріңізді, облысымызды одан әрі өркендете түсу бағытындағы тың ойларыңызды тыңдауға, батыл бастамаларыңызды қолдауға мен әркез дайынмын.

Блогқа келіп түскен әрбір хат жауапсыз қалмайды. Олардың әрқайсысына жан-жақты жауап беріліп, қажет болған жағдайда тиісті шешімдер қабылданатын болады.