Қазақстан халқы Ассамблеясының республикалық медиация кеңесінің отырысы өтті

Астана қаласының Достық үйінде ҚР Ақпарат және қоғамдық даму министрлігінің қолдауымен Қазақстан халқы Ассамблеясы Төрағасының орынбасары, Хатшылық меңгерушісі М. Әзілхановтың қатысуымен ҚХА республикалық Медиация кеңесінің отырысы өтті.
Аталған іс-шараға ҚХА республикалық медиация кеңесінің мүшелері, мемлекеттік органдардың, азаматтық қоғам институттарының өкілдері, кәсіби және қоғамдық медиаторлар, сарапшылар, БАҚ өкілдері қатысты.
Медиация кеңесінің қарсаңында этномедиаторлар мен кәсіби келіссөз жүргізушілерді даярлау бойынша оқу жоспарын әзірлеушілер мен іске асыратын тренерлердің пікірталас кездесулері өтіп, онда аймақтық оқыту семинарлары барысында анықталған өзекті мәселелер талқыланды.
Отырыс барысында ҚХА Кеңесінің 2021 жылғы қазан айында өткен кеңейтілген отырысының хаттамасын және ҚХА ХХХІ сессиясының шешімдерін іске асыру қорытындылары шығарылып, 2023 жылға арналған этномедиацияны одан әрі дамыту жоспары бекітілді.

• 07.12.2022
• 225