Halyk Homebank қосымшасында «Janarmai» виртуалды картасы пилоттық режимде іске қосылды

Енді Halyk Homebank қосымшасында сіз «Janarmai» виртуалды картасын шығарып, жүргізуші куәлігін және/немесе көлік құралын тіркеу туралы куәлікті көрсетпестен дизель отынын сараланған бағамен (өңірге байланысты литріне 230-260 теңге) сатып ала аласыз.

Бұл модуль бағаны мемлекеттік реттеу белгіленген сараланған бағамен (өңірге байланысты литріне 230-260 теңге) босатылатын дизель отыны бойынша пилоттық жоба шеңберінде Halyk Bank, ҚР Энергетика министрлігі, ҚР ЦДИАӨМ «Ұлттық ақпараттық технологиялар» АҚ, ҚР ІІМ және Мемлекеттік кредиттік бюро ақпараттық жүйелерінің арасында жүргізілген интеграциясының нәтижесінде іске асырылды.

Сондай-ақ, қазіргі уақытта Kaspi мен EgovMobile және т.с.с. танымал қосымшалармен интеграциялау жұмыстары жүргізілуде.

«Janarmai» виртуалды картасы Halyk Homebank қосымшасында көлік құралын иеленетін және/немесе басқаруға құқығы бар барлық азаматтар үшін қолжетімді. Бұған дейін жанармай құю станциясына жүргізуші куәлігінің немесе көлік құралын тіркеу туралы куәліктің қағаз нұсқаларын ұсыну негізінде ғана сатып алуға болатын.

«Janarmai» виртуалды картасын алу үшін Halyk Homebank қосымшасының «Мемлекеттік көрсетілетін қызметтер» бөлімінде «Janarmai картасы» опциясын таңдап, мынадай қажетті параметрлерді толтыру қажет: жүргізуші куәлігінің нөмірі немесе мемлекеттік нөмір. Содан кейін виртуалды картаны алыңыз. Сондай-ақ бұл сервис заңды тұлғалар үшін қолжетімді.

Картаны пайдалану өте қарапайым: виртуалды картаның нөмірін және сатып алуды растайтын SMS-кодты жанармай құю станциясының кассиріне хабарлау жеткілікті.

ҚР Энергетика министрлігінің бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағаларды белгілеу туралы бұйрығымен Қазақстан Республикасында берілген жүргізуші куәлігін көрсеткен кезде дизель отынының лимиті өңіріне қарай күніне 100 литр көлемде бір литріне 230-260 теңге бағамен белгіленген, ал Қазақстан Республикасында көлік құралдарын тіркеу туралы куәлікті көрсеткен кезде жүк, арнайы, мамандандырылған көліктер мен автобустар үшін бекітілген лимит 300 литр үшін тәулігіне өңіріне қарай литріне 230-260 теңге бағамен сатылатынын еске саламыз.

Қалған санаттағы адамдарға, сондай-ақ көрсетілген лимиттерден жоғары дизель отыны литріне 450 теңгеден босатылатын болады.

Жүйенің жұмысына қатысты мәселелер туындаған жағдайда Энергетика министрлігінің базасында мына нөмірлер бойынша техникалық қолдау орталығы іске қосылған:

- жүйеде жұмыс бойынша кеңес алу үшін:

- 8(7172) 78-69-94 (тәулік бойы), 8 (747) 897-9781 (дс-жм, 9-дан 18:30-ға дейін);

- өтініштер мен шағымдар бойынша - 8 (747) 897-9781 (WhatsApp және Telegram, жұмыс уақытында).

• 08.12.2022
• 257