Алғашқы жұмыс күнімді «АрселорМиттал Теміртау» кеншілерімен кездесуден бастадым

Келісім комиссиясының жұмыс қорытындысы бойынша 2023 жылғы 1 қаңтардан бастап жалақыны көтеру және жыл қорытындысы бойынша 13-ші жалақыны төлеу туралы шешім қабылданды. Барлық үш департамент пен еншілес компаниялардың қызметкерлері 16 желтоқсанға дейін 100% көлемінде сыйақы алады. Сондай-ақ ай сайын берілетін 25 мың теңге көлеміндегі төлем сақталып, ол қауіпсіздік бонусына аударылады, ал индикаторлар кәсіподақтармен бірлесіп әзірленеді. 2023 жылғы 1 қаңтардан бастап барлық бөлімшелер қызметкерлерінің жалақысы инфляция мөлшеріне индекстелетін болады.

Сонымен қатар шешуді қажет ететін мәселелер баршылық. Олардың қатарында көмір департаменті кәсіпорындарының штаттық құрамын жинақтау, жабдықтарды жаңарту, шахталарды дамыту перспективалары сынды мәселелер бар. Бұл мәселелерді мен ерекше бақылауда ұстаймын. Сондай-ақ кеншілермен жиі кездесіп отыруға уағдаластық.

• 08.12.2022
• 276