ЖЭС жобалары бойынша 2022 жылғы аукциондық сауда–саттық қорытындылары бойынша бағаның максималды төмендеуі 42,5%, ал КЭС бойынша 0,05% құрады

2022 жылғы қарашада ҚР Энергетика министрлігі 2022 жылға арналған графикке сәйкес электр станцияларының түрлері бойынша бөле отырып, жаңартылатын энергия көздері (ЖЭК) бойынша жалпы белгіленген қуаты 690 МВт аукционға шығарды:

жел электр станциясы (ЖЭС) – 400 МВт;

гидроэлектр станциясы (ГЭС) – 220 МВт;

күн электр станциясы (КЭС) – 60 МВт;

биогаз электр станциялары (БиоЭС) – 10 МВт.

Аукциондар үшін ЖЭС-ке – 21,53 тг/кВтсағ, ГЭС-ке – 15,2 тг/кВтсағ, КЭС-ке – 16,96 тг/кВтсағ, БиоЭС-ке – 32,15 тг/кВтсағ шекті бастапқы аукциондық бағалары белгіленді.

2022 жылы жалпы 13 аукцион, оның ішінде КЭС жобалары бойынша – 3, ЖЭС жобалары бойынша – 7, ГЭС жобалары бойынша – 2 (1 – кіші, 1 – ірі) және БиоЭС жобалары бойынша – 1 аукцион өткізілді.

Аукциондарға 5 елден 36 компания қатысты: Қазақстан, Қытай Халық Республикасы, Сингапур, Ресей Федерациясы, Нидерланды. Аукционға қатысушылардан түскен өтінімдердің жиынтық көлемі 2 809,002 МВт-ты құрап, сұраныс көлемі ұсыныс көлемінен 4 есе асып түсті.

Жалпы, 2022 жылғы аукциондарда жалпы белгіленген қуаты 440 МВт болатын 10 ЖЭК жобасы іріктелді, оның ішінде ЖЭС – 400 МВт, ГЭС - 40 МВт.

2022 жылы өткізілген аукциондар қорытындысы бойынша ЖЭС жобалары бойынша аукциондық бағаның максималды төмендеуі 42,5%, КЭС – 0,05% құрады. Бұл аукциондар бағаның төмендеуін қамтамасыз ететінін және ЖЭК объектілерінен электр энергиясының нарықтық бағаларын анықтауға мүмкіндік беретінін растайтын жақсы нәтиже болып табылады.

• 09.12.2022
• 254