Алан Құрманғалиев үстел теннисінен тұңғыш қазақстандық Әлем чемпионы атанды

Жасөспірімдер арасында өткен Әлем чемпионатында қарағандылық Алан Құрманғалиев Хана Годамен (Египет) бірге аралас жұптық разрядта Әлем чемпиондары атанды. Финалдық матчта Қазақстан-Египет дуэті Тиаго Абиодан/Мария Берзосадан (Португалия/Испания) мықты болды.

Осы жылы Алан жаттығу мен дағдыларын жетілдірудің арқасында тұрақты нәтиже көрсетіп, 16 халықаралық жарыстың медалін жеңіп алды.

Осы орайда біз чемпионды 7 жасынан бастап тәрбиелеп, оны 2022 жылдың 9 желтоқсанында Тунисте өткен байрақты бәсекеде жоғары жетістікке жеткізген жаттықтырушы Эльмира Алиеваға алғысымызды білдіреміз.

Алан мен үстел теннисінің барлық жанкүйерлерін шын жүректен құттықтаймын. Біз сіздерді мақтан тұтамыз!

• 10.12.2022
• 280