Маңғыстаулық балуан Нұрдәулет Жарылғапов қазақ күресінен Әлем чемпионы атанды

12-14 желтоқсан аралығында Астана қаласында Жақсылық Үшкемпіров атындағы жекпе-жек сарайында қазақ күресінен Әлем чемпионаты өтуде. Чемпионатқа 40-қа жуық мемлекеттің 350 балуаны қатысуда, деп хабарлайды Маңғыстау облысы әкімінің баспасөз қызметі.

Жарыстың алғашқы күні «Қара бура» атымен танымал Маңғыстау спортшысы Нұрдәулет Жарылғапов 100 келіден жоғары салмақта ел намысын қорғап, “Әлем чемпионы” атағына ие болды. Осы ауыр салмақта күмісті қырғызстандық Бекболат Токтогонов, қоланы Грузия елінің спортшысы Giorgi Chagelihvili мен Өзбекстан елінің намысын қорғаған Мухсин Хизомиддинов алды.

Айта кетейік, бұл 3 санат бойынша (ересектер, жастар және жасөспірімдер арасында) өткізіліп жатқан тұңғыш әлем чемпионаты.

Нұрдәулет Жарылғапов - Қазақ күресі бойынша Маңғыстаудан шыққан тұңғыш Әлем чемпионы, қазақ күресінен халықаралық дәрежедегі спорт шебері. Бапкері - Қайрат Бурбасов.

• 13.12.2022
• 354