Қазақстан Республикасы Үкіметі мен Экономикалық ынтымақтастық және даму ұйымы арасындағы Өзара түсіністік туралы меморандумға өзгерістер енгізу туралы хаттамаға қол қойылды

ҚР Президенті Қасым-Жомарт Тоқаевтың Францияға ресми сапары аясында ҚР Үкіметі мен Экономикалық ынтымақтастық және даму ұйымы арасындағы өзара түсіністік туралы Меморандумға өзгерістер енгізу туралы хаттамаға қол қойылды. Меморандум ЭЫДҰ-мен өзара іс-қимыл шарттары мен салаларын айқындайтын екіжақты ынтымақтастықтың негізгі құжаты болып табылады.

Құжат Іс-қимыл жоспары бойынша бірлескен іс-шаралар өткізуді көздейді.

Бұл сауданы дамытуға, ұлттық статистика жүйесін интеграциялауға, бәсекелестік саясатты, квазимемлекеттік сектордағы корпоративтік басқаруды, сыбайлас жемқорлыққа қарсы күрес саласындағы саясатты жетілдіруге, мемлекеттік басқарудың тиімділігін арттыруға, сондай-ақ ЭЫДҰ стандарттары негізінде Қазақстанның төмен көміртекті дамуына көшуге жаңа серпін береді.

Осылайша, Хаттамаға қол қою ЭЫДҰ-мен ынтымақтастықты одан әрі нығайтуға және кеңейтуге, Қазақстанның әлеуметтік-экономикалық дамуына ықпал етеді. Бұл сондай-ақ 2025 жылы ЭЫДҰ-ға кіру жөніндегі өтінімді жіберуді көздейтін Ұлттық даму жоспарына сәйкес тиісті негіздер жасайды.

• 15.12.2022
• 251