«Ауыл – Ел бесігі» бағдарламасы іске асырылуда

Қарқаралы ауданы Егіндібұлақ ауылында тұрғындардың өтініші бойынша салынған дене шынықтыру-сауықтыру кешені ашылды.

100 орындық ДШСК балалар мен ересектердің белсенді демалысы үшін барлық жағдайлар жасалған. Мұнда спорт залы мен күрес залы, заманауи тренажерлер бар. Болашақта осы жерден көптеген спорт түрлерінен чемпиондар шығады деген сенім мол.

Сондай – ақ «Ауыл - Ел бесігі» жобасы бойынша Егіндібұлақ ауылында Мәдениет үйі мен кентішілік жолдар жөнделді.

Кешен ашылғаннан кейін аудан тұрғындарымен кездестім. Кездесу барысында әлеуметтік нысандарды жөндеу, жолдар мен интернеттің қанағаттанарлықсыз сапасы, тұрғын үй-коммуналдық саланың мәселелері талқыланды.

Биыл Жарлы – Қарқаралы топтық су жүйесін салу қолға алынды. Бұл жоба аудан тұрғындарының 91% орталықтандырылған сумен қамтуға мүмкіндік береді.

Сонымен қатар жастарды жұмысшы мамандықтарына оқытуды ұйымдастырып, ауданның ірі кәсіпорындарында жұмысқа орналастыруды тапсырдым.

Барлық айтылған мәселелерді өз бақылауыма алдым.

• 15.12.2022
• 325