Ұлттық экономика министрлігінде жергілікті өзін-өзі басқару саясатын жетілдіру және аудандар мен облыстық маңызы бар қалалар әкімдерін тікелей сайлау бойынша қабылданған жаңашылдықтар жөнінде семинар-кеңес өтті

ҰЭМ-де Қарағанды, Ұлытау және Павлодар облыстарының мәслихат хатшылары, ауыл әкімдері мен облыстық мемлекеттік органдардың қызметкерлерімен кездесу өтті.

Жиналысқа қатысушылар «ҚР жергілікті өзін-өзі басқару туралы» Заң жобасын және аудандар мен облыстық маңызы бар қалалар әкімдерін тікелей сайлауды енгізу жөніндегі заңнамаға енгізілетін өзгерістерді талқылады.

ҰЭМ өңірлерді талдау және жергілікті өзін-өзі басқаруды дамыту департаментінің директоры Анар Байтукенова әзірленіп жатқан заң жобасын өңірлермен тікелей талқылаудың маңыздылығын атап өтті, өйткені алдағы уақытта ұсынылып отырған реформаларды табысты іске асыру процесі жергілікті өкілді және атқарушы органдарға тікелей байланысты болады.

Сондай - ақ, ол жергілікті өзін-өзі басқарудың жаңа органдарын – «Кеңес» және Қалалық өзін-өзі басқару кеңесін құру жоспарланып отырғаны туралы хабарлады. Кездесу барысында ауылдық округтердің кіріс базасын ұлғайту, мемлекеттік сатып алу рәсімдерін жеңілдету және т. б. мәселелер көтерілді.

Өз кезегінде, ҰЭМ өңірлерді талдау және жергілікті өзін-өзі басқаруды дамыту департаментінің өңірлік құжаттарды әзірлеу және мониторингілеу басқармасының басшысы Мақсұт Құрықбаев аудандар мен облыстық маңызы бар қалалардың әкімдерін сайлауға қатысты баяндама жасады.

Оның ішінде, сайлау процесінің негізгі новеллалары мен кандидатураларды ұсыну тәртібі, сайланатын аудандар мен облыстық маңызы бар қалалардың әкімдеріне қойылатын талаптар, сондай-ақ ауыл және аудан әкімдерінің сайлау процесі сипатталған. Сондай-ақ, ол 2023-2024 жылдары өтетін аудандар мен облыстық маңызы бар қалалар әкімдерінің пилоттық сайлауын өткізу алгоритмі туралы баяндады.

Кездесу қорытындысы бойынша жергілікті өкілді және атқарушы органдар заң жобасына тиісті ұсынымдар әзірлеп, аудандар мен облыстық маңызы бар қалалар әкімдерінің сайлауын өткізу мәселелесін талқылады.

• 19.12.2022
• 228