Байбазаров Н.С.
ҚР Премьер-Министрінің орынбасары – Қазақстан Республикасының Ұлттық экономика министрі
ҰЭМ мен БҰҰДБ Елдік бағдарлама шеңберіндегі жобаларды бірлесіп жүзеге асыру мәселелерін талқылады
Бүгін Ұлттық экономика министрі Әлібек Қуантыров Біріккен Ұлттар Ұйымының Даму бағдарламасының Қазақстандағы Тұрақты өкілінің м.а. Сухроб Ходжиматовпен және БҰҰДБ департаментінің директоры Айнұр Баймырзамен кездесті.
Тараптар БҰҰДБ мен ҚР Үкіметі арасындағы БҰҰ өкілдігін Қазақстанда ашу туралы ратификацияланған Келісімге сәйкес БҰҰДБ-ның 2021-2025 жылдарға арналған Елдік бағдарламасын іске асыру жөніндегі ведомствоаралық келісімнің жобасын талқылады.
Әңгімелесу барысында Ә.Қуантыров БҰҰДБ-ның 2021-2025 жылдарға арналған Елдік бағдарламасы «Ауыл – ел бесігі» аясындағы жобаларды, Тұрақты даму мақсаттарына қол жеткізуге, сондай-ақ өңірлік дамуға бағытталған басқа да бастамаларды жүзеге асыруға мүмкіндік беретінін атап өтті.
Өз кезегінде Сухроб Ходжиматов БҰҰ-ның Қазақстанның тұрақты дамуына қолдау көрсетуді жалғастыруға дайын екенін растады.
Соңғы 30 жылда Қазақстанда БҰҰДБ-ның қолдауымен жалпы сомасы $200 млн. асатын 200-ден астам жоба жүзеге асырылды.
- 19.12.2022
- 254
