Шет ауданында 20-дан астам медициналық мекеме салынады

Шет ауданында «Ауылдық денсаулық сақтауды жаңғырту» ұлттық жобасы бойынша екі жыл ішінде 11 фельдшерлік-акушерлік және 10 медициналық бекетті салуды жоспарлап отырмыз. Ағадырда жергілікті аурухананы күрделі жөндеу жұмыстары жүргізілуде, мұнда 15 мыңнан астам тұрғынға қызмет көрсетіледі. Қазіргі уақытта жұмыстар 95 %-ға аяқталды. Бұл ауруханаға жалпы тәжірибе дәрігерлері, анестезиолог, хирург мамандар қажет.

«Ауыл – Ел бесігі» жобасы аясында Ақжал кентінің 15 көшесіне асфальт төселді. Бұрмада 274 тұрғын үйді сумен қамтамасыз ететін су құбыры салынды. Сондай-ақ сегіз елді-мекенде жарықтандыру жүргізілді. Ауданда барлығы 47 шақырым жол жөнделді.

Алдағы екі жылда «Жайлы мектеп» республикалық жобасы аясында С.Сейфуллин атындағы ауылда және аудан орталығында екі мектеп салынады.

Сонымен қатар жұмыс сапары барысында халықпен «ашық микрофон» форматында кездесу өткіздім. Ауыл тұрғындары қардың уақытылы жиналмауы, электрмен жабдықтау мәселесін, орталықтандырылған сумен жабдықтаудың жоқтығын, тұрмыстық газдың бағасы мен учаскелік полиция инспекторларының жетіспеушілігі мәселесін көтерді.

Тұрғындардың барлық мәселелері назарға алынды.

• 21.12.2022
• 278