Ұлттық экономика вице-министрі Б.Омарбеков Батыс Қазақстан облысының өндірістік нысандарын аралады

БҚО-ға жұмыс сапары аясында Бауыржан Омарбеков «Квант» ЖШС жиһаз фабрикасында болды. Компания 1991 жылы құрылған. Жиһаз ассортиментінде жүздеген өнім түрлері бар. Олар Қазақстан ішінде де, сыртқы нарықта да сұранысқа ие.

Бүгінде мұнда 800-ден астам адам жұмыс істейді. Мемлекеттік қолдау аясында кәсіпорын инновациялық жабдықтарды сатып алуға жеңілдетілген несие алды. Бұл нарықтағы позицияларын бекітуге және өндірісті арттыруға мүмкіндік берді.

Бұдан әрі Теректі ауданында Ұлттық экономика вице-министрі «RingoMilk» ЖШС сүт-тауар фермасы құрылысының барысымен танысты. Өндірісті іске қосу ағымдағы жылдың соңына дейін жоспарланып отыр.

Инвестициялардың жалпы сомасы шамамен 4 млрд. теңгені құрайды. Компания жыл сайын 7 мың тоннаға дейін тауарлық сүт шығаруды жоспарлап отыр. Фермада 640 бас ірі қара болады.

Сондай-ақ, Ақсай қаласында Б.Омарбеков клапандар мен бекіту арматурасын өндіретін және сервистік қызмет көрсететін «Petrolvalves Kios Kazakhstan» ЖШС жаңа зауытын аралады. Жыл сайын кәсіпорында құны 4 млн. еуро болатын 3500 бірлікке дейін дайын өнім шығарылады. 150 адам тұрақты жұмыс орындарымен қамтамасыз етілді.

• 22.12.2022
• 309